Caong khin prong abih di nhà văn hóa Hữu Ngọc nan lac meng ini tal puac rai ngak salah blaoh 2 baoh tapuk, dalam nan hu dom blah vak ka Hà Nội. Tal harei ini, dalam 34 baoh tapuk ka inem mek ilamo Việt Nam bo ong hu vak meng sap Anh, sap Pháp, sap Đức saong meng sap Việt ye sa binah oh sit lac vak ka bal ine anit ranam, dalam nan hu 7 baoh vak ta-eng ka Hà Nội. Ngan haong ong, ilamo Hà Nội nan lac dom kadha biak bhian randap yau tranh Hàng Trống, tháp Rùa, Văn Miếu, phố cổ, dom pandap mbang meng kan harei Tết, dom lễ hội, adat cambat tanarakun, atau mbuan mbiah nan lac dom talei phun kayau tapen jalan... Kayua yau nan ye, dalam baoh tapuk di ong, urang puac tuk halei jeng mboh hu thaik binguk Hà Nội meng kan thanh bình, mộc mạc bo bak hatung hatai anit ranam di manuac sia.

Dalam dom baoh tapuk bo Hữu Ngọc vak ka Bal ine njauk ndom tal baoh tapuk “Phác thảo chân dung văn hóa Hà Nội” vak meng sap  Pháp. Ini lac công trình akaok mereip ka Ilamo Hà Nội di ong saong lac baoh tapuk akaok meti meyaih khan ka bal ine brei ka urang negar langiu kuhria meng bilan 8/1945 tal vaktu thun 1997. Meng labaih 200 blah, baoh tapuk meyaih khan biak hệ thống, yau sa kareih camin brei thau ka dak rai sajarah di Việt Nam. Ong lac: Tuk Raja-ei Canada đặt hàng ka dahlak vak dalam 3 bilan sa baoh tapuk ka Hà Nội meng sap Pháp saong dahlak hu dom kỷ niệm anit ranam ka Hà Nội nan ye cứ vak. Tui nan dahlak vak njauk vaktu sa baoh tapuk sap Pháp ka Hà Nội saong jao ka urang piah alin hadiah ka dom urang dang akaok dom taneh aia hu mbaok di Nyaom biai Pháp ngữ akaok mereip di Hà Nội, Việt Nam thun 1997. Dalam baoh tapuk dom hatung hatai di dahlak brei ka bal ine nyu hu brei mboh abih tapa mbaik talam.

Oh daok dalam nyaom dom urang hu ralo baoh tapuk vak ka Hà Nội, min nhà văn hóa Hữu Ngọc lac urang hu ralo di abih dom baoh tapuk ka Hà Nội hu vak meng sap negar langiu. Thun 2010, Pahadar 1 ribau thun Thăng Long- Hà Nội, ong hu đặt hàng biên soạn sê-ri 10 baoh tapuk “Hanoi, who are you?” (Hà Nội, ayut lac thei?) meng sap  Anh piah duh ka bruk đối ngoại. Yaok tập meyaih khan sa janih biak gheih ka địa lý, ilamo, anek manuac Hà Nội yau: dak rai sajarah Hà Nội (lac dakrai sajarah Việt Nam pataom sit), khu phố cổ, khu phố Tây, khu thành cổ, khu ngoại ô, pandap mbang, duah thau dom urang hu angan je tapa angan jalan, rai diuk tâm linh, ilamo nghệ thuật, pato pakai... langiu di nan, hatung hatai di ong brei ka Hà Nội daok brei mboh tapa baoh tapuk “Hà Nội di dahlak”. Ong hu ba urang puac mai haong "Bản giao hưởng phố phường", nao ma-in "Cảnh sắc Hà thành" blaoh duah thau "Ilamo thị thành"... Nhà sử học Dương Trung Quốc taong yaom: Wa Hữu Ngọc lac urang hu sa năng lực meda ndom lac tal urak ini oh njauk lac thei jeng hu – nan lac năng lực chuyển tải meng ralo sap ndom karei di gauk bo angaok gah văn hóa đối ngoại. yau nan ye dom baoh tapuk di wa hu pambak prong. Lingiu di nan, lac sa urang abih hatung hatai hu mbaok tame ralo gah karei di gauk min tuk halei jeng pamong tal sa hatung hatai anit ranam bhum taneh Hà Nội bo ong daok diuk rai meng bruk ngak di drei. Dahlak saneng, ini lac sa kareih camin biak takik hu saong lac sa kareih camin njauk caik ka khaol drei bac megru tui.

Oh lac vak tapuk meyaih khan Việt Nam jeng yau Hà Nội tabiak negar langiu, bo meng bruk ngak di drei, nhà văn hóa Hữu Ngọc pataom hu biak ralo ayut sahabat angaok dunya pachreih tui Việt Nam, meyaih khan ka Việt Nam saong jak ba hu biak ralo nguồn tài trợ ka ilamo saong ralo gah karei. Nhà thơ Bằng Việt, Akaok Hội Liên hiệp văn học nghệ thuật Hà Nội ndom lac: Ini lac urang ilamo hu tầm hoạt động biak prong saong suai lavik yau manuac urang lac xuất khẩu ilamo Việt Nam tabiak negar langiu, nan lac pathau khan, meyaih khan taong abih ilamo Việt Nam, kadha siam gheih di anek menuac Việt Nam, di jalan diuk rai Việt Nam… piah ka dom ayut sahabat negar langiu thau tal. Dom bruk ngak praong yau nan oh mbuan hu sa urang ka dua.

Langiu di Giải thưởng Lớn- Bùi Xuân Phái brei ka hatai anit ranam Hà Nội, nhà văn hóa Hữu Ngọc daok hu pok angan saong pok brei ralo phần thưởng prong glaong karei yau: Karja Việt Nam alin brei Huân chương Chiến công saong Huân chương Độc lập, Raja-ei Thụy Điển pok brei Huân chương Ngôi sao Phương Bắc, raja-ei Pháp pok brei Huân chương Cành cọ Hàn Lâm, Cành cọ Vàng... Ini lac dom phần thưởng prong glaong brei ka bruk oh thau glaih glar di ong ka bruk cakrok patagok ilamo Việt Nam, abih di nyu lac ilamo Thăng Long- Hà Nội./.