Lac urang pan akaok blai y tế xã Xuân Hải, huyện Ninh Hải, tỉnh Ninh Thuận, bác sĩ Thành Thị Ngọc Lịch, urang kumei bác sĩ bangsa Chăm tuk halei jeng thavi thavar saong bruk ngak. Ngan saong saai, hu iek glang pren yava saong iek ruak ka mikva dalam palei di drei nan lac sa hanem phol oh meda hagait samu hu. Kadha vak hadei ini di Ái Nghiêm, urang vak di rayo sap ndom VN daok di ban raya HCM hu ndom ka kreih camin abih hatai jai ka urang ruak di bác sĩ Thành Thị Ngọc Lịch:
Urang halei hu nao tal blai iek ruak xã Xuân Hải jeng oh var hu bác sĩ Thành Thị Ngọc Lịch, sa urang kamei abih hatai jai ka urang ruak. Lac urang gru jru, saai tuk halei jeng caik hatai sangka, iek glang pren yava ka bhap bini. Kayua yau nan ye, saai hu mikva dalam xã anit ranam saong caik hatai jia tuk mai iek ruak di blai. Saai Tài Thị Ngà daok di palei Phước Nhơn 2, xã Xuân Hải ndom ka bác sĩ Lịch yau ini:
“Yaok mbang mai ini iek ruak, dahlak biak sanang hatai. Bác sĩ Lịch - akaok blai iek ruak biak sangka tal urang ruak, bhian tacei pato cambaih laih, ndom puac biak bingi pang”
Thun 1984, hadei di tuk bac tamat sang bac trung cấp y tế Thuận Hải, bác sĩ Lịch hu brei mai huyện Ninh Hải ngak bruk. Meng nan mbiah tal urak ini, saai tuk halei jeng kham merat, hadah krah dalam yaok bruk ngak, meng bruk iek ruak tal bruk puk palei. Saai tuk halei jeng kham merat bac megru paglaong ilamu iek ruak. Thun 1995, saai pakacah tame sang bac đại học Y Tây Nguyên. Tuk bac bloh khóa bac di thun 2000, saai likau mai xã Xuân Hải iek ruak ka mikva palei drei. Bác sĩ Lịch khan lac:
“Caong khin praong abih di dahlak nan lac rik daong hasit pren di drei dalam bruk iek glang pren yava ka mikva pak di puk palei di drei piah daong ka urang paglaong rai diuk”.
Oh lac ngak
“Dahlak mboh bruk ngak di bác sĩ Lịch biak gheih, biak hu ilamu saong jalan iek ruak biak naih. Hatung hatian biak
Jaik 30 thun dalam bruk iek ruak, saai Thành Thị Ngọc Lịch tuk halei jeng kham merat, pasram megru, buh pren yava ka bruk iek glang pren yava bhap bini bangsa Chăm daok di xã Xuân Hải. Bruk hanem phol praong abih di urang kamei bác sĩ ini nan lac hu klah rabha, hu ba bui sambai mai ka mikva daok pak puk palei di drei./.
Viết bình luận