Linh khan lac, harei dok bac di sang bac THPT chuyên Lê Quý Đôn (ban Lai Châu), thun 2014, tuk bac tal 11, Linh hu palih ruah pakacah anek saih naih joi môn ngữ văn pakat negar ( vượt cấp) song mek hu giải khuyến khích. Thun 2015, Linh hu mbaok di Trại hè Hùng Vương di dom sang bac THPT chuyên khu vực trung du song bhum ceik Bắc Bộ mbang ka XI peih ngak di tỉnh Lạng Sơn, song mek hu huy chương meh môn ngữ văn. Dalam mbang pakacah tốt nghiệp thun 2016, Linh mek hu 27 điểm song tame sang bac Đại học Luật Hà Nội.
Ndom ka bruk bac joi môn ngữ văn, Linh khan lac: “ Langiu di bruk caik hatai tui pang gru pato tacei di tal bac, adei caik rilo tuk vak piah puac harak tapuk, tản văn...piah patak pataom vốn từ, meng nan ba tame kadha vak di drei ka nyu gheih. Tuk puac, atau pang hu panuac gheih, jeng cih veik. Lingiu di nan, pasram ngak dom đề tài mở, maong tui rilo gah, duah thau cambaih laih”. Piah mek hu dom jak jeng nan, dalam tuk bac megru, Linh kham merat yam tapa dom kan kandah kayua karang tài liệu, pandap panda pabak ka bruk bac daa. Dalam luac 3 thun bac PTTH, tuk dom ayhut hu tuk vak padeih hè jeng lac tuk Linh hu mbaok tame đội tuyển di sang bac, trun Hà Nội piah bac thêm, pabak dom ilamu bahrau. Biak patuah jamo, gauk gar, cei gru anai gru song ayhut sahabah hu pachreih adei, nan ye pabak pren khang ka adei yam tapa kan kandah, mek hu jak jeng glong dalam bruk bac daa.
Ndom ka bruk 2 mbang hu pok meyaom lac anek saih bangsa takik naih gheih dalam bruk bac megru, Linh brei thau: “ Tuk thau lac adei hu pok meyaom anek saih bangsa takik bac megru naih joi thun 2016, adei biak bui sambai song uan tabuan lô. Ni lac bruk pachreih ba adei kham merat yam tagok dalam bruk bac megru.
Linh khan lac “ Bhum palei Ka Lăng di adei dok kan kandah lo, rilo menuac urak ni dok dalam dom boh sang meng haluk, rilo sang oh ka ginup mbang, kayua yau nan ye, meng tuk dok sit, adei kham merat bac megru naih joi piah ngak hu bruk hagait dong ka sang song dak padang puk palei.
Tuk khol hulin tangi sua ka dom caong khin, dom bruk khin ngak di anak tal. Linh brei thau “ Anak meta, adei kham merat bac biak joi. Adei cong khin jeng luật sư joi, piah lambaok, khik caga bruk njauk bruk siam ka urang bangsa takik, bhum atah bayah yau di palei adei./.
Viết bình luận