Mong baoh sang prong siam, hu ginup pandap pandar dalam sang, bloh taphia sang daok hu kuan tạp hoá pablei ka mikva dalam palei, oh thei saneng lac sang sa-ai Hoàng Thị Xiễn daok di palei Tông Cạy, xã Lâm Thượng, huyện Lục Yên dahlau daih lac sang kathaot. Sa-ai Xiễn brei thau: Dahlau diah diuk pasang sa-ai nao ngak pah grauk labik, min rai diuk jeng gaok kan kandah. Saneng nao kuhria mai, diuk pasang sa-ai mai ngak mbang cakrok patagok kinh tế pak di bhum taneh drei menek tabiak. Diuk pasang sa-ai mesre 30 triệu đồng di gilang pariak sarak karja huyện Lục Yên piah peih kuan pablei pandap tạp hoá saong ngak pandap mbang tasak pablei ka mikva dalam palei. Meng nan, sang sa-ai hu jien mek tame tani tanat, labaih 80 triệu đồng yaok thun: Dahlau diah oh hu phun jien piah ngak mbang sang rambah ralo, meng tuk mesre hu phun jien rai diuk hu siam tagok. Urak ini dahlak daok kuhria mesre rilo jang piah peih prong bruk pablei salih gam khak drak, pandap mbang brei ka athur raong  tra.

Sang sa-ai Nông Thị Giới, daok di palei Tông Pình, dahlau diah lac sang kathaot abih dalam palei. Hadei di tuk hu Kapul urang kamei xã dang tabiak daong brei mesre 30 triệu meng Gilang pariak sarak karja, sa-ai buh tame pala saong sơ chế ribung kreim di palei hu darak pasar dalam saong langiu tỉnh takre blei.

Tuk abih vụ ribung, sa-ai pandar pok jien mek hu meng pablei ribung jaik 60 triệu đồng yaok vụ piah blei kubao, pabui raong saong kuac rok danao raong ikan Bỗng – janih ikan đặc sản di huyện Lục Yên, tỉnh Yên Bái. Tapa nan, sang sa-ai tuk halei jeng hu jien tame jien tabiak, oh daok kan kandah yau dahlau diah saong raong hu 2 urang anek daok bac đại học: Meng tuk hu mesraiy sang dahlak hu jien piah ngak mbang, sang oh daok kan kandah tra. Drei thau cakrok patagok bruk ngak mbang pala drak, nan ye hu tabiak truh kathaot.

Dalam thun ini, tỉnh Yên Bái hu labaih 15.000 mbang hội viên urang kamei hu pato pathram, bac megru ilamu raong glang, pala drak; labaih 30.000 hội viên mesre hu phun jien di gilang pariak sarak karja piah cakrok patagok kinh tế. Meng nan, hu jaik 1.000 hội viên tabiak truh kathaot, dom hội viên urang kamei yam tagok ngak kaya meda tal yaok rituh sang.

Ta-eng xã bhum glaong Lâm Thượng, huyện Lục Yên hiện hu jaik 200 adei sa-ai kumei hu mesre phun jien piah cakrok patagok kinh tế sang. Kayua hu pato pathram ilamu raong glang, pala drak saong tacei pato pandar phun jien mesre hu kein laba, nan ye bruk cakrok patagok kinh tế di adei sa-ai kumei hu mbuan lagahih, ralo sang tabiak truh kathaot, jeng sang kaya meda.

Yam tapa dom kan kandah, urang kami dom bangsa takik di bhum glaong Yên Bái daok kham merat tabiak truh kathoat, yam tagok ngak meda, rik daong tame bruk dak padang bhummi dak harei dak cakrok patagok./.