Sa-ai Maymoulna Kim Chi daok di palei Cam Châu Giang, xã Châu Phong, bal sit Tân Châu, tỉnh An Giang urak ini daok ngak chủ nhiệm  Hợp tác xã jhik pet Kim Chi pak bal Long Xuyên. Sa-ai jeng lac urang kumei doanh nhân duy nhất dalam tỉnh An Giang taduan hu cúp Thánh Gióng – doanh nhân naih gheih pakat negar thun 2010, Cúp Bông hồng vàng brei ka dom urang kamei doanh nhân naih gheih thun 2014. Dalam tuk Pahadar 106 thun harei Dunya urang kamei (8/3/1910-8/3/2016), Ha Ni Pha, urang vak di rayo sap ndom Việt Nam daok di bal raya Hồ Chí Minh hu kadha vak brei thau ka urang kamei Chăm thành đạt angaok bhum taneh An Giang.             

Hợp tác xã jhik pet Kim Chi tabiak rai di thun 1989, ngan haong jien phun 280 ribau đồng, dalam baoh sang sit 50m vuông saong hu 15 thợ pet. Dalam dom thun 1990, 1991, labik jhik pet Kim Chi tok ngak gia công  ka dom labik ngak pandap pet di bal raya Hồ Chí Minh, gaok tuk mai sa-ai daok nao mek di Tây Ninh mai gia công. Thun 2002, hu bruk sangka di Ủy ban Bhap bani tỉnh An Giang, mbang akaok meti labik pet Kim Chi hu nao pataom mbaok dalam Nyaom darak dunya tiểu thủ công nghiệp di Đức. Tui jalan ngak lac paglaong chất lượng pandap panda, labik pet Kim Chi tuk halei jeng duah thau hatai takre di urang blei, piah yaok thun ba tabiak yaok rituh mẫu bahrau, siam… Dalam “Harei urang kamei hadah krah thun 2015” kayua Kapul urang kamei Việt Nam peih tabiak, meng bruk kham merat salih bahrau “Jalan pet tranh dua sambo màu, dua họa tiết karei di gauk angaok sa blah khan bai” di sa-ai taduan mek hu giải thưởng glaong di abih. Sa-ai Maymoulna Kim Chi brei thau: Labik ngak di drei tuk halei jeng sahneng duah salih bahrau, piah ngak habar hu dom  janih pandap bahrau, ngak habar hu dom pandap panda mekre piah khik ramik saong patagok bruk ngak meng kan di ong amuk caik veik kayua lac jhik pet nan lac bruk ngak meng kan di urang kumei  Cam.  

Bruk patagok urang ngak tuk halei jeng hu cơ sở sangka, tapa jalan pato bruk ngak oh mek jien. Urang tui bac nan lac dom adei sa-ai kumei bangsa takik, urang jaoh jo… Jien pato bruk ngak hu Sở Lao động thương binh xã hội tỉnh daong meneing, daok veik hadom kayua kadung jien di Cơ sở pabak tame. Urak ini labik jhik pet Kim Chi daok pato bruk ngak ka 240 urang kamei Cam xã Châu Phong saong xã Đa Phước, tỉnh An Giang. Yaok thun, Hợp tác xã jhik pet hu buh tabiak ka bruk pato bruk ngak labaih rituh triệu đồng, min kien laba bo Hợp tác xã rik daong ka rah ra daok prong jang dut haong yaom jien buh tabiak kayua nyu daong ka ralo urang ngak hu bruk ngak tani tanat.

Hadei di ralo thun kham merat yam tapa kan kandah, Hợp tác xã jhik pet Kim Chi hu yaok ribau urang ngak ngan haong phun jien tagok tal yaok pluh tỷ đồng saong pato pet oh mek jien ka 4.000 urang kathaot, urang jaoh jo di ralo puk palei. Dom pandap pet meng tangin di Kim Chi yau paning pambang, khan tangin, thiệp uan, khăn choàng, tranh thêu meng nan hu urang blei dalam saong langiu negar biak takre. Ong Châu Kim Seng, Phaok mban bangsa tỉnh An Giang lac: Jaik di ini, Đảng, karja, puk palei biak sangka tal bruk salih bahrau bruk ngak ka bhap bani Cam. Cơ sở Kim Chi hu huyện ủy, Đảng ủy xã saong Ủy ban tỉnh biak sangka tal palei ngak ini. Ngak habar piah Karja daong rilo jang piah pasiam veik palei ngak. Caong lac meyah pasiam hu veik ka bhap bani daok pak bhum tapen negar ini ye kinh tế saong bruk ngak hu tani tanat jang.

Meng dom bruk ngak hu, Hợp tác xã jhik pet Kim Chi hu pok brei yaok pluh harak meyaom, giải thưởng, cúp vàng thương hiệu... di dom jabat meng Trung ương tal puk palei. Bahrau ini, sa-ai Maymoulna Kim Chi nan lac sa dalam 36 urang kamei naih ghaih di taneh ia mek hu giải thưởng "Bông hồng vàng" kayua Kapul urang kamei Việt Nam saong Phòng Thương mại - Công nghiệp Việt Nam pok brei./.