Pathau mikva saong taong abih gauk!

Jalan sahneng di saai Trần Thị Hạnh nan lac iek glang baoh sang min oh var bruk bo amuk takre, nan lac hu mbaok tame bruk di urang kamei saong bruk ilamu, daoh tamia di puk palei. Saai hạnh dang tabiak padang kapul daoh tamia di palei hu 16 urang daoh – tamia, gam dàn dựng danak dak gam ngak biên đạo ka ralo ragam tamia ndung bak ilamu Chăm. Kapul hu padang tagok meng thun 2009 saong khik hu dom bruk ngak mbiak tal harei ini, hu mbaok tame ralo mbang hội diễn pakat huyện, tỉnh saong me-in pamơrơ mikva di puk palei dalam dom harteirija, roya di bangsa. Langiu di nan, saai Hạnh bhian lac urang daong ieu pataom dom adei tame kapul dit blaong, taong valei di palei, pakacah mek hu giải glaong, yau ye: vô địch dit blaong likei dalam xã di thun 2012, giải nhì taong valei saong pambuak bruk haong gah ilamu xã ba kapul tagok huyện pakacah.

Lingiu di nan, dalam angan lac akaok chi hội , saai Hạnh saong dom saai dalam kapul yau saai Huệ, saai Kiểng tuk halei jeng kham merat dalam bruk jak ba uranaih nao bac, jak ba adei saai ngak tui bruk dân số, atau rik daong phun jien piah ngak jalan nao mai dalam palei. Langiu bruk ngak kinh tế piah tani tanat rai diuk, saai Hạnh bhian daong saong pachreih ba adei saai kamei dalam palei, duah bruk ngak piah rik daong ka bruk patruh eik patrun kathaot, yau ye bruk: amuk jak ba hu 53 urang kamei Chăm palei Phò Trì tame tal bac jhik công nghiệp kayua pasak pato bruk ngak Hàm Tân peih tabiak.

Taong abih dom bruk ngak angaok nan di saai Trần thị hạnh dalam rai diuk yaok harei hu daong ngak ka mbaok meta di palei pala hadah hadai saong hu ralo urang thau tal. Thun ini, saai Hạnh umo labaih 50 thun min jeng daok chreih chrai dalam yaok bruk, abih hatai jai ka bruk “taong abih bhap bini jum pataom dak padang rai diuk ilamu di labik daok”. Barau ini, saai hu UBMT xã palih ruah lac urang ưu tú hu mbaok tame nyaom meyai urang lambaok dom bangsa takik di huyện Hàm Tân mbang ka II./.