Di sa palei atah bayah, hu 478 boh sang urang Khmer daok, meblah labaih 80% menuac dalam palei, dalam nan hu labaih 20% boh sang kathaot. Rai duik kan kandah jeng ngak kan kandah rilo takik tal bruk di urang kamei dalam palei.

Saai Siêng sahaneng lac: “ sa urang jakar, dahlau di abih brei kham merat ngak mbang, bac megru, paglaong ilamu ye adei saai meng jia tui drei bo ngak tui.

Lingiu bruk iek glang ka sang drei hu trei sil haniem phol, saai dok kham merat pathau khan tal adei saai urang kumei hội dom ilamu hu bac bloh song tacei pato adei saai ba tame bruk ngak mbang, pala drak. Meng thun 2015 tal ni, saai jak ba padang hu sa kalup kapul boh sang haniem phol, 4 kapul urang kamei oh ndih tapui anek ka 3 pablak haong brei nyim phun jien – patak pataom, 2 kapul urang kamei dong gauk ngak KT sang pachreih hu labaih 100 adei saai hu mbaok, ngan song phun jien labaih 10 triệu 800 ribau đồng, saai dong ka 7 urang kamei Khmer kan kathaot mesraiy piah blei anek pajaih patagok bruk rong glang pala drak. Meng nan, abih 7 boh sang jeng ngak mbang hu kein liba song patak pataom hu, bayar hu jien mesraiy, patruh kathaot khang kajap, peih 180 mbang pathau khan, ginum biai, pakacah paik bingu dân chủ, pakacah doh tamia meng rilo jalan ngak naih gheih, hu 6.312 mbang adei saai hu mbaok, dalam nan hu 4.284 adei saai lac urang Khmer . Yaok bilan, saai nao tal yaok boh sang jak ba adei saai ngak siam jalan diuk rai văn minh, boh sang ilamu, sangka tal bruk iek glang anek taco dalam sang oh phạm tội song oh laik tame dom tệ nạn xã hội… Kayua yau nan ye, tal urak ni dalam palei hu 85% boh sang mek hu tanut ilamu, tong abih boh sang urang hội mek hu 4 tanutlac: trei sil, samu gauk, ilamu, haniem phol.

          Meng hatai anit ranam gauk, dong ba gauk, saai Siêng song Chi hội hu jak ba dom urang ngak pahla dong brei labaih 16 triệu đồng ka 267 mbang boh sang kan tuk cang bilan yuak. Bruk njauk biai nan lac, saai Siêng song Chi hội dok jak ba padang pok jien bac Nguyễn Thị Út, rik pataom hu 5.600 boh siphau song 7.200 mbaik kalam, 100 baoh katap dong ka 1.200 uranaih kan kathaot, uranaih banga Khmer nao bac./.

Nguyễn Tân