Umo meng 45-55 thun, urang kamei hu dom salih karei dalam rup babhap pambuak pagam tal mãn  kinh. Nan lac bruk bình thường saong mãn kinh lac tuk urang kamei oh daok jhak dalam rup dalam luac 12 bilan gam. Makna ba tal mãn kinh lac buồng trứng padeih ngak bruk, padeih laik baoh. Rup babhap urang kamei dak harei dak takik hu nội tiết tố estrogen, progesteron. Dom janih ratak, asar daong ngak patrun thu kalik; saong yaok adit njauk mbang 3 baoh menuk, ada, siam di abih lac baoh ada kram. Dalam kadha:“Urang iek ruak” harei ini khaol dahlak hu kadha vak tacei pato adei sa-ai kamei njauk pandar pandap mbang, baoh karaoh halei piah siam ka pren yava. 

Chất đạm

Yaok harei njauk mbang meng 50-60 g rilo saong 60-70 g ikan, 30g ratak dom janih. Yaok adit mbang klau baoh ada atau baoh menuk. 

Chất limek

Chất limek bão hòa hu dalam rilo limek, sữa limek, kem, phô mai, kalik, glo, hatung, hatai. Chất limek njauk mbang janih oh bão hòa yau dom acid limek (yau omega 3, omega 6) siam ka tim mạch, hu dalam limek ikan, lange, tangeiy, asar hướng dương, asar ploi, dom janih njam hu sambo màu hijao đậm, đậu nành saong dom janih ratak karei. Ngak pandap mbang yaok harei njauk pandar menyek thực vật yau menyek đậu nành, menyek mè. Juai pandar menyek la-u saong dầu  cọ kayua nyu pachreih gan tabiak cholesterol nội sinh.

Chất tapung saradang

Chất tapung saradang hu dalam pandap mbang yaok harei yau lisei, mì, miến, nui, pacuk, bei. Lavik lavik mbang hasit baoh karaoh, tapung ngũ cốc piah patagok chất xơ pacang táo bón, thải cholesterol labaih, patrun saradang dalam darah.

Njam patam saong baoh karaoh

Rup babhap njauk pabak 300 g njam hijao, 250 g baoh kayau yaok harei. Palih ruah dom janih baoh kayau takik yamen hu kein ka pren yava yau baoh traong nde, baoh medar, ổi yaok harei. Njam patam baoh karaoh hu ralo vitamin pacang lão hóa, chất xơ siam ka pren yava. Njauk menyum aia tasau pabak ralo canxi pacang limin talang.

Menyum ginup aia

Aia hu mbaok tame bruk ngak jeng rup babhap, pajeng ba chất dinh dưỡng, ba dom janih cặn bã tabiak langiu rup, điều hoà thân nhiệt, hu mbaok tame khik caga mô cơ quan. Juai cang mahu meng menyum bo njauk menyum meng 1,5-2 lít yaok harei, dalam nan hu 60% aia lọc, 20% sữa, 20% aia baoh kayau.

Saradang saong sara

Njauk patrun patakik dalam dom van mbang. Pandar biak ralo sara ngak tagok huyết áp. Plaih dom pandap mbang ralo sara yau masil, dưa muối, ralaow pandam, xúc xích, giò chả, đồ hộp, mì gói saong dom janih baoh kayau hu ralo saradang yau nho, patei, cam, tabau.

Jalan ngak patrun dom triệu chứng mãn kinh

Mboh pandiak saong tabiak aia hauk tuk melam: plaih pandar dom janih kích thích yau cà phê, alak, chocolate, pandap hu ralo gia vị, abih di nyu nan lac di tuk malam. Đậu nành lac siam piah patrun dom triệu chứng di mãn kinh. Glaih glar: Plaih dom van mbang hu ralo saradang. Salih tame nan lac baoh karaoh that saong hasit ratak./.