Dom thun dahlau, sang sa-ai Quàng Thị Hặc hu biak ralo taneh apuh, min jeng daok iek lapa luac thun. Thun 2005, diuk pasang meng duah jalan, roh duah piah tapa truh kathaot. Meng sa hecta taneh ngak nong amaik ame parabha brei, sa-ai Hặc biai saong pasang ngak mbang patagok kinh te tui jalan pala phun mbang baoh.  Meng pok jien patak pataom hu hasit, mesre veik 10 trieu dong di Gilang pariak ngak nong,  diuk pasang sa-ai buh tame blei 50 phun pa-ok Đài Loan, 250 phun pa-ok di palei mai pala. Piah mek katut raong atah, diuk pasang sa-ai blei 3 ribau phun caphe pala pablak di taneh pala pa-ok saong pala ratak, tangei katut harei piah duah jien tame.

Tuk pa-ok pala hu meng 2 tal 3 thun, sang sa-ai mek meta phun pa-ok Đài Loan pagam dhar  pa-ok plaei. Meng tari tarieng glang iek, dom phun pa-ok tamuh siam, hadei di 2 thun pagam dhar sang sa-ai paik hu baoh mbang camereip labaih 1 tấn. Kuhrai dalam dua thun 2011, 2012, yaok thun , sang sa-ai paik hu klau tấn pa-ok, pablei yaom 20 ribau dong sa kilo. Meng thun 2013 tal thun 2017, pa-ok paik hu 5 tấn baoh yaok thun. Tal thun  2018, sang sa-ai paik hu 8 tấn baoh pa-ok, yaom pablei 15 ribau dong sa kilo. Kuhria gam jien pablei caphe, yaok thun sa-ai duah tame 200 trieu dong. 

Hu phun jien meng pa-ok, cafe, sang sa-ai Hặc hu labaih drap ar, jien padai. Oh padeih di nan, diuk pasang sa-ai patak pataom saong blei hu 1 hecta taneh pala drak, pala pabak 300 phun darang, urak ini hu pagam dhar, meyah langik lagaih thun hadei brei paik baoh.

Raidiuk sang sa-ai hu salih birau, sa-ai Quàng Thị Hặc daok abih drei tacei pato iamu ngak mbang, ilamu glang iek bein phun mbang baoh ka dom urang kumei dalam Kapol urang kumei dalam palei. Yaok thun sang sa-ai hu daong phun jien, phun pajaih, anek pajaih ka dom adei sa-ai kumei kan kathaot ngak mbang yam tagok truh kathaot kang kajap. 

Tame bilan paik baoh pablei, sang sa-ai Hặc daok hu ba bruk ngak ka 15 tal 20 urang ngak di palei, tui jien apah urang paik baoh  labaih 200 ribua đồng sa harei. Sa-ai daok kham merat hu mbaok tame ngak dom bruk jak ba di Kapol urang kumei, abih di nyu lac bruk urang kumei jak ba daong gauk  patruh iek patrun kathaot, padang ngak paplei pala birau. Langiu di bruk cak rok patagok kinh tế baoh sang, sa-ai daok lac sa urang kumei naih gheih di palei dalam bruk ngak di Kapol urang kumei./.

Urang lang: Aí Nghiêm -9/12