Mai tal dom palei Chăm Nam Bộ, kol drei hu mboh rup binguk urang kamei Chăm ndua li-i padai, dua gah tangin plaik trun nao meng mblang hamu mai tal palei atau ndua buk nao mek ia di tapen kraong. Meng dom bruk ndam gam haong raidiuk yaok harei yau nan, urang Chăm hu ba bruk ndua ia tame pakacah gauk di dom adei saai kamei. Meng nan, dalam dom harei Katê, Ramưwan di urang Chăm atau Tết Nguyên đán, harei pataom pakacah ndua ia jeng sa bruk  oh kurang hu. Dom sap ginang chreih chrai, sap preo, sap pah tangin pachreih tui hu ngak jeng bruk me-in chreih chrai akaok thun di bhap bini Chăm. Urak ini, daa mikva saong taong abih gauk duah thau bruk me-in ndua ia di urang Chăm tỉnh Ninh Thuận tapa kadha vak hadei ini di Ái Nghiêm, urang vak di rayo sap ndom Viet Nam daok di ban raya HCM.   

          Sa-ai Nguyễn Thị Kim Oanh daok palei Phước Nhơn 3, xã Xuân Hải, huyện Ninh Hải, tỉnh Ninh Thuận brei thau:  Meng kan muk amaik khol dahlak  ndua ia meng buk...

  Dahlau daih, bruk nao mek ia piah pandar dalam sang urang Cam kayua urang kamei ngak. Urang medeih meng suboh nao tal dom kraong piah mek ia. Harei ini, hu karja padang ngak jalan nding raok ba ia hacih mai tal sang ye urang kamei Chăm oh daok nao mek ia di kraong tra, min tuk Katê, Ramưwan, Suk Yeng di bhap bini Chăm atau Tết Nguyên đán, dom palei Chăm hu peih bruk me-in ndua buk nao mek ia piah brei mboh veik bruk glaih glar saong tari taring di urang kamei Chăm, khik ramik veik ilamu meng kan. Mai tal dom palei Cam Nam bộ, kol drei hu mboh rup binguk urang kamei Chăm ndua li-i padai atau ndua dom hagait angaok akaok ye urang jeng plaik dua gah tangin trun, yam nao yau oh ndua hagait. Kayua habar urang kamei Chăm ngak hu bruk ini saong biak gheih yau nan? Amuk Lượng Thị Dẫn daok di palei Phước Nhơn 1, xã Xuân Hải, huyện Ninh Hải, tỉnh Ninh Thuận lac urang bhian mek hu giải sa dalam dom mbang pakacah ndua ia brei thau: ndua ia kan ngak, khin ndua hu, adei saai brei gheih saong pasram meng ndua hu ralo ia ba mai sang.   

Tui Imem Dương Điệp – halau janeng di urang Chăm Bà Ni tỉnh Ninh Thuận lac:

Piah khik ramik saong patagok môn thể thao ndua ia, gah ilamu thể thao saong du lịch tỉnh Ninh Thuan meng rilo thun ini mai hu ba bruk ndua ia tame  dom giải pakacah yaok thun saong Harei pataom thể dục – thể thao di tỉnh. Langiu di nan yaok dua thun sa mbang, harei pataom pakacah thể thao dom bangsa takik dalam tỉnh hu peih tabiak sa mbang, dalam nan ndua ia lac kadha pakacah  pachreih hu ralo urang kamei dom palei Chăm hu mbaok tame./.