Bruk padang mbang ngui di Thào Thị Sung nyu joa kandang yau raidiuk di sa-ai. “Drei oh khin ka mikva drei nao pablei rong, drei melau lô. Mboh mikva nao pablei hàng rong, duan nerak dalam thùng, mek klaok nao salih jien ye drei haiy. Dahlak caong pato anek saih thau pứt, praong tagok meyah oh ngak urang jakar ye peih sa labik pablei pandap yau dalak, jeng meda daong hu ka urang karei”. Caong khin nan hu mboh di hatai meng thun 2015, tuk hu Sa pa Ô Châu, 1 doanh nghiệp ngak du lịch saong pablei salih khan bai, hu tacei jalan saong daong brei 1 jamriak jhik.

Hadei di nan, sa-ai ba abih yaom jien 50 triệu đồng di pasang likei bahrau mek hu meng vụ lan piah padang sa baoh sang sit, ngak kik menyim lanh, bloh jak ba mikva dalam palei padang Klup kapul Khan bai ka 1 di palei Can Ngài, xã Tả Phìn. Ini lac labik pataom adei sa-ai dalam puk thau pứt, thau jhik, ngak dom pandap thủ công, jeng lac labik yaih khan, parang pablei pandap ka tuai du lịch. 

Lingiu di nan, meng labik ini, Thào Sung daok yaih khan, pablei pandap online angaok facebook. Jien laba duah hu meng 15–25 triệu đồng yaok bian. Jien laba parabha ka mikva yaok urang yaok bilan hu 2–3 triệu đồng. Meng pablei pandap online, darak pasar pandap lanh, khan bai di Kalup kapul kayau Thào Sung dang akaok hu peih praong tabiak tal dom ban praong yau Hà Nội, ban raya HCM...

Kalup kapul tuk camereip hu 17 urang min. Urak ini hu labaih 60 menuac. Urang taha hu, ranaih hu. Lingiu di tacei pato, peih bruk ka dom adei sa-ai kumei pứt, ngak lanh, Thào Sung daok pambuak bruk haong dom sang bac dalam bhum, pato brei saoh ka dom adei anek saih. Ngak yau nan piah ka dom uranaih oh var bruk ngak di ong muk caik veik. 

Bruk pala lanh, menyim tanyiak, jhik, pứt di Thào Sung hu daong ka adei sa-ai kumei urang Mông patagok kinh tế, tani tanat raidiuk, daong kak kajap talei rohim puk palei. Giàng A Lung, sa urang dalam kalup kapul mboh hu rilo kein laba tuk hu mbaok tame: “Dahlak mboh kein laba biak rilo. Hu jien tame ka drei, mikva dalam palei oh daok hei nao pablei hàng rong. Adei sa-ai kumei pataom tame ngak, jien duah hu 2–3 triệu yaok urang yaok bilan”.

Urak ini,, tổ hợp tác pala lanh saong patagok khan bai di Thào Thị Sung daok tagok, meng pandap ngak tabiak tal urang ngak pandap. Kadha daok ngak ka Thào Sung mboh duh hatai lac ngak habar peih praong hu nhà xưởng dalam tuk phun jien oh hu. Tui sa-ai Vũ Hòa, piah pasiam bruk ini, tổ hợp tác lanh, khan bai Tả Phìn njauk chuyên môn hóa dalam bruk ngak, ngak ka yaok baoh sang jeng xưởng sản xuất. Meng nan, yaok urang meda ngak sa janih yau pambuak lanh, ngak kacing, pứt bingu…saong meda patoa vei bruk ka anek taco.

Ini meda lac jalan peih tabiak ka Thào Sung ba tổ hợp tác lanh, khan bai Tả Phìn jeng hợp tác xã, atau công ty, ba khan bai yam tapa sa blah siphau bahrau./.