Sa-ai Hoàng Hoa Trung

Thun 2008, sa-ai Hoàng Hoa Trung tame bruk ngak pahla meng bruk daong  urang jaoh jo, urang kathaot di Hà Nội. Sa thun hardei, Trung hu mbaok tame kapul ngak pah hala Niềm tin. Piah hu jien ngak pah hala, Trung saong dom urang dalam kapul nao tal dom labik ký túc xá, công ty, xí nghiệp… likau veik tapuk siphau klak, harak ba-ar klak blaoh ba nao pablei  mek jien padang kadung jien. Angan iew “Trung đồng nát” di Trung tabiak rai meng dom harei pataom pandap panda kaya klak nao pablei piah duah jien ngak pahala.

Ndom ka danak dak “Raong adei” saong padang sang bac ka anek saih bhum ceik hu peih ngak meng thun 2014, Trung brei thau, rilo mbang nao tal bhum glaong, mboh anek saih nao tame tal bac tok ba tui hasit lisei mbong, duk bac ye pandiak pasang, hajan thaik tame, ngin yuk ginup gah. Piah ka dom adei hu labik daok bac, van lisei hu ralow, hu baoh, Trung dang tabiak jak ba dom mạnh thường quân ba tangin tame daong, brei thau angan dom sang bac caong khin van mbang huak jala pandiak. Dom urang ngak pahla thau hu abih dom thong tin di anek saih drei taduan raong, thau mbaok meta, labik daok, phon pal tangin di anai gru cei gru, taha akaok palei nan ye abih hatai daong brei.

Yaok thun, kapul hu peih 4 mbang piah ka dom urang ngak pahla nao rivang anek saih bo drei taduan raong. Meng hatai saneng ini hu daong patagok uranaih hu taduan raong van mbang huak jala pandiak meng 6.000 adei di thun 2018 tagok 12 ribau adei dalam thun 2019 di dom xã bhum glaong 7 tỉnh: Điện Biên, Lai Châu, Quảng Nam, Hà Giang, Nghệ An, Cao Bằng saong Thanh Hóa.

Hatai saneng padang sang bac brei ka anek saih bhum glaong jeng mai meng bruk ngak cambaih laih saong pok jao ka yaok urang taduan mek bruk ngak pahla yau nan. Tal harei ini, 25 sang bac bhum glaong ngak meng kreim la-a hu padang ngak khang kajap, hu jeng labik bac da-a siam mekre tani tanat ka rilo anek saih bhum glaong.

Meng dom bruk ngak siam mekre brei ka bol bhap rah ra, Hoàng Hoa Trung hu jeng 1 dalam 10 urang ranaih hadah krah di Việt Nam thun 2019; hu tạp chí Forbes Việt Nam ba tame angan 30 mbaok meta hadah krah umo ala 30 thun. Kapul ngak pahla Niềm tin hu 3 mbang taduan mek hu Giải thưởng Halar hatian Negar di Trung ương Đoàn.

Meng akaok thun 2020 Hoàng Hoa Trung peih ngak dom dự án “Pren khang 2.000”, pok sap iew yaok urang meda ngak pah la meng bruk buh tabiak 2.000 đồng yaok harei piah ngak pah la tui jalan payua jien tapa thẻ ATM saong ví MoMo. Meng akaok bilan 2/2020 tal ini, danak dak taduan mek hu 500 triệu đồng, ginup jien piah padang ngak 2 labik sang bac./.

Urang lang: Jasi-20/7