Urang lin dong mik va kuac raok krong ribong 

Tui bruk “Urang jakar, urang lin Biên phòng daong bhap bini bnagsa takik kan kathaot jhul khang bruk ngak mbang, patruh eik patrun kathaot”, Bộ đội Biên phòng tỉnh Sóc Trăng daok peih ngak 9 dự án daong ka urang kan kathaot haong yaom phun jien abih tih labaih 3 tỷ đồng, yaok rabau công ngak bruk piah daong ka bhap bini dom bangsa daok di biên giới tasik.

Sang sa-ai Triệu Sa Rít haong sa-ai Tăng Thị Nga, daok di ấp Bưng Lức, ban sit Trần Đề, huyện Trần Đề lac sang kan kathaot veik. Sa-ai Sa Rít njauk ruak baoh hatai oh ngak hu bruk trak bo bhian nao cấp cứu di dom sang iek ruak praong, daok sa-ai Nga nao ngak pah haong yaom jien bilan biak takik piah kuhria ka pasang likei. Anak bruk yau nan, Đồn Biên phòng Trung Bình (huyện Trần Đề) hu brei ka diuk pasang sa-ai raong 1 drei limo menek, urak ini hu sa drei limo anek, yaom labaih 10 triệu đồng. Diuk pasang sa-ai daok hu raong 2 drei limo anek tui jalan parabha 2 haong pô limo. Sa-ai Nga khan lac: “Diuk pasang dahlak biak bui sdambai tuk hu đồn Biên phòng daong brei limo pajaih. Tuk limo menek, kol dahlak hu jien blei jru, hu jien brei anek mbang bac. Ndua dhar phor dom cei Biên phòng haong karja palei biak rilo!”.

Bruk “Limo pajaih ka urang kathaot bhum biên giới tasik” oh lac hu kein laba gah kinh tế, hu makna dalm bruk an sinh xã hội, bo daok daong pakhang, pakajap talei jum pataom urang lin haong bhap bini, patagok kinh tế bhum biên giới tasik. Tui Đại úy Cao Đình Cường - Phó đồn Biên phòng An Thạnh Ba (huyện Cù Lao Dung, Sóc Trăng), ye xã An Thạnh Ba hu biak rilo sang kathaot haong sang oh hu taneh atau kurang taneh pala drak. Dom sang ini rilo meng nao ngak pah saong taong cap kaya ikan jaik takai tasik nan ye raidiuk daok rilo kan kandah. Karja palei saong gah Biên phòng hu rilo danak dak daong ka nikva patagok bruk ngak mbang, pala drak piah tabviak truh kan kathaot. Peih ngak danak dak “Limo pajaih ka urang kan kathaot bhum biên giới tasik”, xã An Thạnh Ba hu daong ka 10 sang biak kan kandah. Tuk hu daong limo pajaih, mikva chreih chrai lô, kham merat iek glang siam. Tal urak ini, 10 sang hu daong limo jeng raong limo hu khang kadang, praong samar. Đại úy Cường, Phó Đồn biên phòng An Thạnh Ba, huyện Cù Lao Dung brei thau: danak dak hu ba bruk ngak ka mikva hu jien mek tame tani tanat.

Lac sang hu taduan limo pajaih di bilan 3-2019, sa-ai Nguyễn Thành Tâm, daok di  ấp An Quới, xã An Thạnh Ba (huyện Cù Lao Dung) chreih chrai brei thau: “Drei limo di dahlak praong mboh di anak meta, nyu lac drap ar praong di abih ngan saong sang kathaot yau dahlak. Sang dahlak kham merat iek glang ka limo nyu menek, ba drei limo pajiah brei ka sang karei raong, patagok jien mek tame”.

Tui Đại tá Nguyễn Quốc Cường - Chính ủy BĐBP tỉnh Sóc Trăng: 5 đồn Biên phòng  bhum biên giới tasik di tỉnh Sóc Trăng jeng hu taduan limo saong ba brei ka dom sang kathaot. Abih di nyu lac sang bhap bini bangsa Khmer daok di bhum biên giới tasik. Dahlau di nan, Đồn Biên phòng Lai Hòa lac đơn vị jak jeng dalam bruk peih ngak dự án daong limo pajaih ka urang kan kathaot. Dalam tuk peih ngak danak dak, urang raong hu pato, pasram, tacei ilamu pala hareik, jalan ngak var ro, ilamu palih ruah drei pajaih, iek glang saong brei ka limo tui tano... Lingiu di nan, dom urang jakar pachreih nong, thú y xã, phường daok bhian hu pathau khan, daong ka bhap bini klauk jru pacang, caga jit ruak ka tapon limo. Mikva mek limo mai raong, iek glang njauk nan ye tapon limo jeng menek hu siam. Meng 50 drei limo binai pajaih tuk camereip, tapa 1 thun peih tabiak, tal urak ini, bruk ngak nan hu 12 drei limo anek, daok veik hadom hu phối giống saong daok praong siam.

Dom danak, đề án daong limo ka urang kan kathaot bo Bộ đội biên phòng Sóc Trăng peih ngak dalam vaktu tapa hu ba bui sambai, pabak prein khang  kham merat yam tagok tabiak truh kan kathaot di dom sang hu brei limo. Daong ka mikva bhum biên giới tasik tabiak truh kan kathaot jeng lac rik daong dak padang biên giới tasik khang kajap meng gha – jalan sahneng nan hu njom tame dalam yaok urang jakar, urang lin biên phòng pak ini./.

Urang lang: Mousaphuong-1/3