Urang kan kathaot hu brei pandap mbang dalam tuk jit Covid 

Dom harei jiak di ni, tuk mehit lac rajaei padang ngak dự thảo Nghị quyết ka pok jien dong dom urang ngak gaok kan kandah kayua jit COVID-19, rilo urang ngak MBOH biak bui sambai ndom lac, ini bruk ngak siam lagaih piah dong yam tapa kan kandah anak meta. Saia Nguyễn Minh Thúy, lac urang tanek mbang di sa sang bac  mầm non tư thục di ban ine Hà Nội, padeih bruk dok di sang labaih  2 bilan ni mai, khan lac:

 tết bloh, tuk hu jit  Covid lac hulin padeih bruk oh hu jien bilan, dalam tuk abih gauk dalam sang cong tame jien bilan di hulin. Hulin bahrau mehit lac Rrajaei hu dong ka dom urang ngak padeih bruk oh hu jien bilan. Yaom jien daong oh praong min lac bruk klah rabha ka dom urang ngak dok gaok kan kandah

Tui  dự thảo Nghị quyết ni, meng bilan 4 tal bilan  6/2020, urang pandar urang ngak hu mesraiy di gilang pariak sarak karja xã hội yaom laba 0% dalam  sa thun, yaom mesraiy rilo di abih lac 50% yaom jien bilan tối thiểu vùng di 1 urang ngak dalam sa bilan piah bayar jien bilan ka urang ngak njauk padeih bruk  dalam  3 bilan (meng bilan  4 tal bilan 6/2020, gam saong nan, dong ka yaok sang pablei salih 1 triệu đồng sa bilan  dalam 3 bilan ka urang lac sang pablei salih hu  doanh thu khai thuế ala  100 triệu đồng sa thun  njauk padeih pablei salih tui  Chỉ thị ka  15 di  Thủ tướng rajaei.

Muk  Hoàng Thị Hải Hà, Phó Giám đốc Công ty TNHH đầu tư song  patagok  công nghệ Akay, Đắk Nông brei thau: tuk padeih sản xuất  kayua jit Covid-19 rah tabiak srau kadau ngak ka rilo  doanh nghiệp gaok kan kandah.  Bhap bini cong khin rajaei  samar peih ngak sarak ni:

Jit  Covid-19 ngak kan kandah biak rilo tal dom doanh nghiệp. Khol hulin njauk padeih ngak meng 2 bilan ni mai, bruk bayar jien laba ka gilang pariak, bayar jien bilan ka urang ngak jeng gaok kan kandah. Anak meta tantu bruk  kan kandah ni dok dui atah dom bilan tra. Kayua yau nan ye, biak cong khin  rajaei peih ngak ba tabiak pok jien dong ini  samar drah piah klah rabha song dom doanh nghiệp dalam tuk vak ni)

Jeng tui  dự thảo Nghị quyết, meng bilan  4 tal bilan  6/2020, yaok bilan dong  1,8 triệu đồng sa urang ka dom urang lac urang ngak njauk tạm padeih hợp đồng lao động, padeih oh mbAng jien bilan di dom  doanh nghiệp. Dong  1 triệu đồng sa urang sa bilan  ka dom urang lac urang ngak njauk padeih  hợp đồng lao động min oh ka ginup điều kiện mbang trợ cấp thất nghiệp; urang ngak oh hu harak hợp đồng lao động, lahik bruk ngak.

Lambaok Tổng liên đoàn Lao động Việt Nam ndom lac  urang hu dong di rajaei biak prong, pataom tame  dom urang  mbuan gaok kan kandah, dong dom  urang ngak  trun biak rilo jien bilan, lahik bruk ngak, oh khik siam ka rai duik di tanut biar di abih. Taphia di nan, Rajaei jeng hu caik tabiak sa binah oh ka sit piah dong ka dom  doanh nghiệp, cơ sở pablei salih  padeih  ngak kayua kan kandah di jit  Covid-19. Tui  Phó Chủ tịch Tổng Liên đoàn Lao động Việt Nam Ngọ Duy Hiểu, pok jien dong ni meda dong ka dom  doanh nghiệp yam tapa kan kandah, hu jalan ngak mbang veik hadei di jit ruak. Ong Ngọ Duy Hiểu ndom lac,  , sarak njauk min tuk ba tabiak ngak, brei ngak siam, ngak catang, sarak meng patagok hu siam lagaih yau urak ni ka yaok nyaom menuac urang:

Khol hulin daok roh duah piah hu panuac ieu ngak salah bloh ba tabiak jalan ngak pasiam dom sarak, pambuak song dom mintri, dom gah ngak dom biểu mẫu thông tin, harak gar song dom tanut cambaih laih  piah pasang iek thau hu njauk dom urang halei biak kan kandah . Công đoàn hu mbaok tame pasang iek piah bruk dong njauk menuac urang, njauk tanut, oh klaak saoh kurang urang halei, nyaih ka bruk  trục lợi chính sách plaih bruk duah kein laba meng sarak. tổng liên đoàn hu duah thau jeng roh duah piah hu pok jien dong meng kadung jien Công đoàn rilo rituh tỷ đồng piah dong ka urang ngak biak kan kandah  )

Quyết định di Thủ tướng rajaei  ba pok jien siam mekre raidiuk ka  doanh nghiệp song urang ngak njauk lahik bruk ngak, abih di nyu nan lac dom urang mbuan gaok kan kandah di jit  Covid-19 hu bhap bini rahra song doanh nghiệp bui sambai song maong akaok. Dalam tuk jit ruak rah tabiak kan kandah, sarak ni samar hu peih ngak meda daong langyah kan kandah anak meta ka urang ngak lahik bruk ngak kayua jit  Covid-19./.

Urang lang: Hanipha- 7/4