Viện padai ĐBSCL hu peih bruk ngak bahrau lac drak khak meng jamriak drak talei khí động APV

Di ĐBSCL, hadei di bruk pakat dunya Agritechnica Asia Live 2022 - “Pandar jamriak samu gauk pamaong tal bruk ngak nong khang kajap” di puac bilan 8 meng blaoh, bruk pandar jamriak tam, drak padai di Viện padai ĐBSCL brei mboh rilo siam lagaih.

Bilan hè thu 2022, Viện padai ĐBSCL hu peih bruk ngak bahrau lac drak khak meng jamriak drak talei khí động APV, meng talei ini tal talei daih atah di gauk 25cm, pajaih lac 50kg ka sa ha, pajaih padai pandar dalam bruk ini lac OM18, padai bahrau pacah meta dahlau di tuk ba tame mac.

Jamriak drak talei khí động APV haong bộ phận drak asar di Cty APV hu ngak di negar Áo, hu Viện padai ĐBSCL pasiam veik ka nyu lagaih haong bruk drak padai ia di ĐBSCL. Jamriak drak APV rami ramik dom pajaih meng 30 - 80kg ka sa ha tapa bộ điều khiển điện tử saong cảm biến vận tốc di mac nduac di mangaok mblang hamu. Jamriak atah talei ini tal talei daih 25cm (meda ngak brei atah jang atau jaik jang). Prein drak di jamriak sit 6 talei hu meng 3 - 4ha sa harei; jamriak praong 12 hàng lac meng 6 - 8ha sa harei. Jamriak hu pagam pandap ngak taneh gam haong ngak var ro, asar pajaih daok di mangaok var ro nan ye takik hu ia dauk bruk asar, saong oh seik tui ia tuk hu hajan. Dut saong bruk drak karei ye drak padai meng jamriak drak talei khí động APV hu trun tal 70% pajaih.

Jamriak drak cụm Yanmar ST10V pambuak haong jamriak katung dui hu ngak meng dom pandap drak karei di gauk jeng hu Viện padai ĐBSCL ba tame pandar dalam bilan hè thu 2022. Yaok pandap drak hu 1 phễu caik padai pajaih ka 2 labik drak gah mala. Atah di dom cụm di mangaok sa jalan drak saong dom asar di yaok cụm meda hu ramik veik ka nyu lagaih. Jamriak drak cụm hu kein lagaih lac trun hu mateh pajaih, trun hu dom yaom jien ngak yau ye khak drak, jru khik caga phun pala, prein manuac ngak saong tagok năng suất, takik jaleih nan ye kein laba kinh tế glaong jang duk saong padai drak oh tui talei, daong tagok jien laba meng 40 – 80%.

Viện padai ĐBSCL daok peih ngak bruk drak khak meng jamriak drak pambuak haong lam khak Yanmar YR70D-F. Jamriak drak 7 talei drak, talei ini atah di talei daih lac 25cm, dom mbu atah di gauk 14cm. Khak drak pandar dalam bruk ini lac janih khak bhian pandar di darak pasa, khak gul vil, asar praong meng 2 tal 5mm, takik gam gauk tuk pandar.

Bruk pandar jamriak dalam bruk ngak nong di bhum taneran kraong Cửu Long dalam dom thun jaik di ini hu daong ka urang nong trun manieng prein manuac ngak, patak pataom hu jien padai, tukvak, pasiam chất lượng padai brah saong tagok jien mek tame ka bhap bini di sa mblang taneh pala drak./.

Urang lang: Thu Thao – 28/09