Bruk dom sang bein pandar ia mbak 3‰ pruh ka bein phun kayau, abih di nyu nan lac baoh kayau hu sar ralo lac biak kan kandah saong oh hu dui pachreih ngak. Tui nan, prein pacang caga haong ia mbak di phun pamaong tame taneh pala. Dom bhum bhian njom ia mbak ralo tame ye prein pacang caga di phun jeng glaong jang dut saong dom bhum mbang ia taba.

Bruk pandar ia biak bier, mala 2‰ pruh jeng tui kuhria ngak kanjak jhak tal abih phun pala. Taeng di phun pajaih saong bingu yaih ieik ye mbang ia mbak siam lac mala 0,5‰. Langiu di nan, mayah pandar ia mbak pruh yaok harei meda ia mbak kandaong ngak kanjak jhak samar jang ka kayau, ngak khut khat tal taneh pala, tukvak masa ngak pasiam taneh jeng biak suai damuai. Kayua yau nan ye, tuk pruh ia ka bein phun kayau, sang bein njauk pasang iek saong khik tani tanat ka lagaih ia daok di tanut phun pala taduan hu.

Mayah lagaih njauk tuh pruh takik ia, piah caga kandaong sara. Gam haong nan njauk pambuak gam haong jalan ngak ilamo yau ye ma-aom gha phun, plaih nyaih pandiak, hangin, pandar domjanih ngak halui daong cak rok praong tagok daong ka phun pacang caga haong ia mbak saong tathuak ia mbak siam jang, meda pandar dom janih khak drak hala hu rilo kali, rilo canxi.

Mikva meda brei pandar dom janih khak drak hala yau ye khak drak hala đạm sinh học Akaok Kabau MK AMICA NaNo Plus daong patagok prein pacang caga halak halieng ka phun pala, patagok prein tabiak bingu, tabiak baoh saong ngak ka baoh praong drah samar jang. Meda pandar hu dalam dom tukvak cak rok praong tagok di phun pala. Tuk pandar, sarau 50 ml ka 20 lít ia pruh ngak tathah tagok hala, yaok tukvak 20-30 harei sa mbang. Atau meda pandar khak drak hala pablak NPK Akaok Kabau MK NPK 15-5-40. Janih khak drak ini meda daong brei pabak ka phun kayau hu patagok prein pacang caga ka phun pala, ngak ka phun samar tabiak bingu saong baoh samar praong. Pandar ka phun dalam tukvak masa dahlau di tuk tabiak bingu saong raong baoh. Njauk caik hatai lac, sarau 20 gram ka 20 lít ia, pruh tasah di hala, yaok tukvak 7-10 harei sa mbang.

Dom urang roh duah ilamo jeng kakei lac, mikva njauk pandar khak hữu cơ, hữu cơ vi sinh lac rilo abih piah daong ka phun hu prein pacang caga haong mbak. Mikva meda pandar drak khak hữu cơ vi sinh Akaok Kabau HCMK 7. Janih khak ini hu kein pacang caga haong dom janih ruh rin sit sot dalam taneh ngak kanjak jhak tal gha phun, daong ka phun tabiak gha bahrau saong patagok prein taduan tame dom janih NPK. Khak tuk drak meng 500-700 kg/ha/sa mbang, drak 3-4 mbang sa thun. Mikva jeng meda drak khak Akaok Kabau MK. BiO-HUMIC, daong ka gha cak rok tamuh samar, patagok prein pacang caga ka phun pala, patagok prein taduan mek NPK. Nan ye drak meng 1-3 kg sa phun sa mbang, drak 3-4 mbang sa thun.

Insitu roh duah Phun mbang baoh gah Maraong negar brei thau lac, dom janih phun mbang gaok kanjak jhak di ia mbak (taduan hu ia mbak hu tanut mala 1‰) lac mbe, patei, khaik, phun darang, phun lahaong, phun kruaic srao, durain, jambut, bòn bon, makhut. Dom janih phun hu prein pacang caga mbaih (pacang caga hu ia mbak meng 2‰ - 3‰) yau ye: sơri, ca cao, phun baoh hu asar ralao, baoh uac bom, manaih, baoh tasu. Dom janih phun pacang caga mbaih haong mbak (pacang caga haong tanut ia mbak 4‰ - 5‰) lac: phun panat, pa-aok, phun padiuk. Dom janih phun hu prein pacang caga siam haong ia mbak (pacang caga hu haong tanut njom mbak glaong jang 5‰) yau ye phun li-u, sapo, phun min, danui nho.

Urang ngak bein njauk caik hatai caga pruh ia juai brei mbak ralo di angak phun kayau piah caga caga pasiam ka phun, caga kanjak jhak ka phun kayau haong taneh pala./.