Abih dhua umur uranaih ndam gam haong kraong haong ia, saai Nguyễn Chí Tâm mboh ikan di dalam kraong ribaong danao mbia oh ngak hagait si abih, dalam nan hu janih ikan hu mbiah di kraong Mekong dak harei dak daok tukik, yau ye ikan jaruk iku marah bhong haong ikan ging bingu. 2 janih ikan ini hu yaom glaong yau nan ye saai Tâm tamuh dalam hatian rok danao mbia gam raong ikan ging gam raong ikan jaruk iku merah dalam bein di sang drei.

Bilan 6/2021, saai tame bruk raong ikan ging bingu dalam danao mbia hu khan lang (khan lang meng katak tapan, khang bhian pandar pacang pandiak). Saai rok mbia danao taok khan lang nyu praong labaih 800 m3 dalam bein, buh 10.000 anek ikan ging bingu pajaih. Hadei di nan, saai palao 100 kg pajaih anek ikan jaruk iku merah tame. Ikan jaruk iku merah bhian mbang aih ikan giang jeng ye dom janih ndap mbang labaih di nyu di dalam ia yau ye njeic njac oh bih ndap mbang karei.

Inilac sa cara janih raong barau bo saai Tâm ieu lac hu rang ka oh bac magru hu hagait yau nan ye thun akaok meti bruk raong ikan oh jak jeng siam, ikan daok matai ralo. Hadei di pan hu ilamu raong ikan di dalam mbia danao khan lang, gam ngak gam bac megru, hadei 12 bilan palao ikan raong, saai kuac hu ikan raong mbang camreip, pablei hu 3,5 tấn ikan ging bingu (yaom di nyu 250.000 đồng/kg), raba labaih kurang 200 triệu đồng. Daok ikan jaruk iku merah pablei hu 800 kg gam haong yaom pablei 500.000 đồng/kg, raba hu labaih 300 triệu đồng.

Mbang raong ka dua, saai Tâm peih sa baoh mbia danao hu khan lang praong 2.000m3. Gam tui 2 baoh danao, gait buh pajaih anek ikan raong atah di gauk dom bilan, kuria caga oh kuac pataom ikan pablei karei vaktu masa di gauk. Mbang ka dua ini mboh ikan palai tukik, mek hu glaong, yau nan ye sa vụ hu 1 tỷ đồng mai meng 2 baoh danao mbia raong ikan.

Saai Nguyễn Chí Tâm taong yaom lac, bruk raong 2 janih ikan ini di dalam danao mbia hu khan lang hu ralo kein raba jang di kadha raong ikan yau meng halei mai di dalam danao mbia. Yau ye oh cang danao mbia ia praong, mada raong miat miat oh padeih di dalam thun; pakurang jien buh tame, eik glang; khik caga hu ia ka ikan jeng ye caga jit ruak di ikan…Cara kadha ngak mbang di saai Nguyễn Chí Tâm biak lagaih brei ka urang ngak mbang tui mbang taneh sit pakurang ralo brei ka bruk njom ia nerak ka alam môi trường.

Urak ini sang saai Tâm mada daong ka ralo urang ngak di bhum palei, yaok urang duah hu labaih 300.000 đồng/harei harei. Saai Tâm halan hatai ndom mayai brei ka mik wa urang raong ikan dalam bhum palei, kayua lac saai caong khin masa meng anak mada khin padang kapul raong ikan jaruk iku merah haong ikan jaruk iku merah piah hu biak ralo ikan pablei tabiak darak pasar, jeng ye yaih yaom ikan di bhum palei drei.

Ông Võ Thanh Tuấn, Phó Chủ tịch Hoi Pahasa urang ngak nong Ban Cao Lãnh brei thau lac, saai Tâm ieu lac sa urang khin saneng, khin ngak jeng ye ieu lac sa urang nao dahlau di ban Cao Lãnh ngak mbang padar tui ilamu barau. Masa meng anak, Pahasa urang ngak nong ban Cao Lãnh mada rami ranik ieik glang taong yaom tani tanat brei ka bruk pandar ilamu barau jeng ye bruk ngak mbang jak jeng piah brei papraong bruk ngak mbang di bhum palei./.