Paka 21 Nghị định ka 13/2020/NĐ-CP brei thau ka bruk raong athur hu take, menuk ada yau hadei ini: Raong dalam mblang bein prong meng 300 drei tagok; raong dalam mblang bein mbiah meng 30 tal ala 300 drei; raong dalam mblang bein sit meng 10 tal ala 30 drei; raong dalam sang ala 10 drei.

Ndom ka labik raong, labik padang ngak mblang bein piah raong brei lagaih haong jalan cak rok patagok kinh tế - xã hội, lagaih haong quy hoạch, bruk pandar taneh saong jalan ngak di tỉnh. Meyah oh ka hu quy hoạch ye brei hu panuac brei ngak di dom jabat chức năng hu thẩm quyền dahlau di tuk peih ngak dom bruk buh jien tame ngak; pabak njauk ka mật độ raong tui adat di tỉnh; hu ginup aia siam brei ka bruk raong glaong saong langyah chất thải raong glang. Labik raong glang  brei pa-atah haong labik daok di bhap bani, darak pasar, sang bac, sang iek ruak…

Cambaih laih, meng mblang bein raong sit atah di labik pataom hareik hareim neriak tachuac tuh tabiak, labik ngak kong, labik daok takik abih lac 100m; atah di sang bac, sang iek ruak, darak pasar takik abih lac 150m. Meng mblang bein raong mbiah atah di labik pataom hareik hareim neriak tachuac tuh tabiak, labik ngak kong, labik daok takik abih lac 200m; atah di sang bac, sang iek ruak, darak, labik pabak  aia pandar ka bhap bani takik abih lac 300 mét.

Meng mblang bein raong glang prong atah di labik pataom hareik hareim neriak tachuac tuh tabiak, labik ngak kong, labik daok di bhap bani takik abih lac 400m; atah di sang bac, sang iek ruak, darak pasar, labik pabak aia pandar ka bhap bani, labik daok takik di abih lac 500m. Dua mblang bein raong glaong di 2 po karei di gauk atah gauk takik abih lac 50m.

Dalam raong glang tui baoh sang, van ro brei atah haong labik daok di manuac urang; định kỳ puh ramik, pametai anek ruak, puh ramik van ro, pandap panda raong glang; hu jalan ngak piah puh ramik khak, aia neriak tuh tabiak, khí neriak tuh tabiak brei khik hu haci hacih ka môi trường saong oh ngak pambak tal manuac sia daok jaik taphia; anek athur raong metai kayua jit ruak saong chất thải oh siam karei brei hu puh ramik tui adat hukum di gah thú y, khik caga alam môi trường. Van ro brei padang ngak njauk tui adat gah van ro raong glang di Mentri Ngak nong saong Patagok palei pala saong dom adat hu pagam tal.

Labik raong brei hu ginup abih dom công trình langyah hareik hareim neriak tachuac tuh tabiak pabak hu bruk khik caga alam môi trường. Cambaih laih, hareik hareim neriak tachuac dalam raong glang brei hu pataom mek ngak brei hacih sa-at môi trường saong alngyah njauk haong quy chuẩn ilamu pakat negar ka alam môi trường dahlau di tuk brei tuh tabiak gah langiu môi trường, pandar ka phun pala atau ngak pandap mbang brei kaya ikan dalam aia.

Dalam labik raong brei hu ginup taneh piah padang ngak hệ thống langyah hareik hareim neriak tachuac tuh tabiak dalam raong glang laghaih haong hadom hareik hareim neriak tachuac tuh tabiak; brei hu sa mblang taneh brei ka bruk caoh lam, takac dar anek athur metai kayua jit ruak...

Bruk langyah hareik hareim neriak tachuac hu asal hữu cơ hu peih ngak tui adat di khoản 2 Paka 59 Hukum Raong glang saong dom adat karei. Cambaih laih, kapul nyaom, baoh sang, manuac urang peih bruk raong glang hu  trách nhiệm langyah hareik hareim neriak tachuac hu asal hữu cơ pabak hu quy chuẩn ilamu pakat negar dahlau di tuk pandar ka phun pala atau ngak pandap mbang brei kaya ikan dalam aia. Hareik hareim khang hu asal meng hữu cơ oh ka tapa alngyah tuk pajeng ba tabiak truh di labik raong tal labik langyah njauk pandar radaih pajeng, pandap panda pandar karei ka nyu.

Aia neriak tachuac tuh tabiak dalam raong glang hu langyah tui quy chuẩn ilamo kỹ thuật pakat negar ka aia neriak tachuac tuh tabiak dalam raong glang hu pandar ka phun pala. Aia neriak tachuac tuh tabiak dalam raong glang oh ka tapa langyah tuk pajeng ba tabiak truh labik raong tal labik langyah brei pandar radaih pajeng pandar karei ka nyu./.