Urang nong pala dua luoi duah hu jien laba biak rilo 

Sa-ai Hiển brei thau: “Urak ini drei parabha jaik 3 rabau got dưa lưới di mangaok 1 rabau m2, dưa lưới rilo meng pablei ka darak pasar dalam taneh ia saong hu urang blei salih mai caik jien kakei blei dahlau, nan ye drei oh huac, oh kuhria ka bruk pablei tabiak, chất lượng dưa lưới mek hu tanut VietGAP min drei oh ka khin pambuak bruk haong dom Cty pablei tabiak negar langiu kayua oh ka khik hu kajap gah sản lượng”.

Bruk pala dưa lưới dalam sang pacang halam oh daok bahrau bahrang hagait ngan saong dom urang ngak nong daok ranaih urak ini, abih di nyu lac dalam H.Nhơn Trạch, sang pacang halam daok hu rilo urang nong ngak saong hu siam lagaih biak glaong. Sa-ai Hiển brei thau: “Drei buh tabiak jaik 450 triệu đồng piah ngak sang pacang halam, padang gheng bêtông, jalan pruh ia sit sit di Israel piah patrun patakik ruak kik halak halin saong pasang iek hu siam jang chất lượng baoh dưa lưới”.

Sa-ai Hiển oh padauk bruk ngak giá thể ka dưa lưới. Sa-ai brei thau, giá thể bhian pandar mụn xơ la-u thu, khak limo, chế phẩm sinh học, daok xơ dừa hu tram tapa cur piah pametai anek ruak. Tapa duah thau saong bac megru ilamu di menuac dalam bruk, sa-ai brei pandar dahlau asar pajaih di Cty TNHH Chánh Phong saong Cty Rijk Zwaan Việt Nam.

Meng asar pajaih, khak drak saong công thức lai jru jeng hu Cty tacei pato, urang nong tok buh prein tabiak iek glang. Dalam tuk phun tamuh, meyah ngak njauk tui ilamu kỹ thuật, njauk tanut Vietgap di taong abih bruk ye năng suất biak glaong. Sa-ai jeng eng drei raong dhar ko piah thụ phấn ka bingu, piah abih takik prein menuac saong tagok năng suất ka bein dưa lưới.

Tukvak camereip tuk oh ka hu phun jien, sa-ai tok ngak iek di mangaok 700m2, hadei di 1 thun mboh hu kein laba glaong, sa-ai meng pala tagok 3 rabau m2 bloh 7 rabau m2 yau urak ini, haong yaom jien buh tame ngak abih tih labaih 3,2 tỷ đồng.

Sa-ai Hiển khan lac, bein dưa lưới ngak hu bloh 8 vụ, kuhria rah tapa yaok vụ hu meng 4 tấn meteh tal 5 tấn, yaom pablei sỉ lac 25 rabau đồng sa kg, pablei lẻ ye 40 - 45 rabau đồng sa kg. Brei thau veik ka jalan langyah asar pajaih, sa-ai Hiển lac: “Asar pajaih blei mai tram ia pandiak tui jalan lac 2 pandiak, 3 la-an yau asar pajaih phun padai piah pachreih nyu pacah meta. Hadei di 24 mon pa-auk bloh ba tabiak talam ươm, pa-auk veik 24 mon bloh parai tabiak talam piah pruh ia, tui iek meng 8 - 10 harei bloh meng pala di var ro”.

Kuhria meng tuk tram asar pajaih tal tuk phun praong, paik baoh lac meng 75 - 80 harei. Yau nan kuhria rah tapa sa thun sa-ai pala hu 4 mbang meyah pala mangaok giá thể, daok pala di mangaok haluk ye paik hu 3 mbang, hadei di yaok mbang lac tukvak padeih padei 1 bilan piah pasiam veik, meng thau pandar ilamu kỹ thuật tame bruk ngak nong, yaok 1 mbang sang sa-ai Hiển laba hu 35 triệu đồng di mangaok 1 rabau m2, tui nan, kaoh abih jien buh tame ngak, sa-ai mek tame hu jaik 1 tỷ đồng yaok thun. Meyah khik hu laba yau nan, ye hadei di 1-2 thun, sa-ai Hiển meda mek veik hu phun jien saong hadei di nan lac mek hu jien laba./.

Urang lang: Mousaphuong- 20/7