Dalam dom thun jaik di ini, urang ngak nong daok di huyện Bác Ái hu caik hatai tal bruk salih janih phun pala brei jien mek tame glaong, dalam nan hu phun kiệu.

Yaok ha taneh pala kiệu mayah hu peih ngak siam meda brei năng suất meng 12-15 tấn. Kiệu meda hu pala luac thun min hu 2 vụ praong. Pala di bilan 9, brei paik di bilan 1, bilan 2, paik pablei di tukvak Tết. Vụ hè - thu 2023, di pak ini hu labaih 35 ha kiệu pajaih hu di dom xã: Phước Tân, Phước Thắng, Phước Tiến. Ong Thành, urang pala kiệu di xã Phước Tiến brei thau lac: Năng suất kiệu pajaih thun ini mek hu labaih 10-12 tấn/ha, yaom pablei 20.000 đồng/kg, yaom bier jang thun dahlau sa mateh, min hadei di tuk kaoh abih phun jien, laba hu 100 triệu/ha.

Urak ini, urang jakar di Bilai Pachreih ngak nong Ninh Sơn, huyện Bác Ái hu dang pato tacei mikva dom ilamo ngak taneh, pala phun, jalan sangka, pruh ia, drak khak saong pacang caga halak haling palai kaik, abih di nyu nan lac dom baoh sang bahrau pala lasun kiệu.

Tui urang jakar pachreih nong, bruk pala kiệu njuauk thau pilih mblang taneh lagaih piah pala lac hu makna biak praong, bhian lac taneh throt, rilo gluh, rilo cuah, drah tathuak, hu độ PH meng 6-6,5 yau dom janih taneh cuah rilo jang di limon saong sét. Dom janih taneh cuah rilo jang di limon saong sét, taneh cuah sarau, taneh phù sa tapen kraong piah pala kiệu lac siam di abih. Taneh pala kiệu njauk hu li-ua biak cambaih laih, ngak biak siam, taduan hareik hareim biak cih, drak ginup khak saong cun tapung (mayah taneh masam) blaoh tagok luống praong 0,8 – 1m, glaong meng 25 tal 30 cm, praong atah 30 cm.  Tuk drak khak mbang ka 1 dom khak njauk drak ka 1 ha pala kiệu dalam nan nan hu: 25 – 27 tấn drak var hoai, 300 kg lân supe, 150 khak Kali Clorua saong 100 kg bau ghing. Abih tih dom khak piah drak mbang ka 1 nan hu rah samu tuk tagok jalan piah pala.

Di pajaih, mikva njauk caga hadei di tuk paik blaoh, pilih ruah củ kiệu pajaih praong, do samu gauk, oh hu halak haling oh njom ruak, ba pabu ka thu blaoh papaok veik tui yaok paok blaoh tuan di mangaok tabung khik piah tal tuk ba pala. Dahlau di pala meng neh tabiak dom manieng tabiak, yaok gilaong njauk pala sa tép.  Jalan pala kiệu lac mek tangin trỏ atau sa mbaik dầm kayau praong meng 2 – 3 cm  klauk gilaong blaoh caik akaok kiệu pajaih trun dalam taneh 5 –6 cm. Meda pala meng dom jalan dọc atau jalan ngang di mbaok jalan pala atah di yaok jalan meng 20 – 25 cm, phun atah di gauk meng 10 – 12 cm./.