Oh hu taneh ngak mbang, baoh sang gak hala taik tahak hu hajan angin pajaleih, harei harei sa-ai nao ngak pah, yau nan ye sa-ai Đặng Kim Anh daok di puk Long Đức, ban sit Phước Long biak bui sambai tuk hu karja palei mai alin hadiah 4 drei maja pajaih. Tapa labaih 1 thun raong, dom drei maja di sa-ai hu praong tagok siam.

“Raong maja ini jeng hu siam lagaih glaong kayua nyu jeng mbuan brei mbang saong jeng mbuan si raong. Sa harei drei brei ka nyu mbang sa var meng ikan saong 1 var mbang patei, mboh mbuan raong dut haong dom anek karei. Jeng yau raong kabao drei brei tabiak hamu duah hareik ka nyu min bo drei oh hu hamu taneh, raong pabui ye drei oh hu taneh var ro, daok raong maja ini Karja brei hu var ro dahlau nan ye drei mbuan raong. Bahrau hu sa yau hu metian sa drei anek, daok yau daih jeng jaik metian kaje.”

Sang ong Nguyễn Văn Tùng lac baoh sang kathaot, dom thun dahlau, karja bhum palei hu alin hadiah baoh sang ong sang daok anit ranam hu yaom 50 trieu dong saong daong 4 drei maja pajaih. Tui ong Tùng, raong maja oh brei hu taneh praong, buh takik prein raong, mbuan duah pandap mbang kayua pandap mbang rilo meng lac patei, ikan phi hu biak rilo di bhum palei. Maja raong labaih 18 bilan ye mek hu 4-6kg sa drei saong meda hu menek anek. Urak ini baoh sang ong biak chreih chrai kayua hu sa drei maja bahrau menek hu 3 drei maja anek.

“Baoh sang ong kathaot, oh hu hamu apuh, rilo abih ieu lac nao ngak pah. Karja brei 4 drei maja mai raong piah duah jien duh ka raidiuk, dahlak jeng biak chreih chrai, thau phoil Karja. Raong maja ye drei tok brei mbang var page, jala harei jeng nao ngak yau bhian, maja pablei tabiak ye mboh jeng hu.”

Tui ong Huỳnh Văn Tèo – Akaok UB Bhap bini ban sit Phước Long, huyen Phuoc Long, dalam 2 thun tapa, ngak Danak dak 2 parilo bruk ngak mbang, patagok bruk trun kathaot karo kajap tukvak masa 2021 – 2025, bhum palei hu daong jaik 80 baoh sang kathaot, jaik kathaot, baoh sang bahrau truh kathaot hu bruk ngak piah patagok bruk ngak mbang dalam baoh sang, dalam nan hu labaih 40 baoh sang hu daong raong maja. Tui di nan, yaok baoh sang hu daong 4 drei maja (2 drei maja tano saong 2 drei maja binai) hu yaom 28 trieu dong. Hadei tuk salah blaoh Danak dak, bhum palei tok mek gilac phun jien lac 2,8 trieu dong, samu haong 10%. Bruk raong maja dalam sang meng akaok meti hu taong yaom lac bruk ngak njauk daong rilo urang hu jien mek tame, uak drei tagok truh kathaot karo kajap.

 “Bruk raong maja haong pandap mbang ye urang baoh sang kathaot ta-eng duah, lac drei buh prein tabiak piah duah kein laba. Bruk ini mbuan si raong si ngak tui haong baoh sang kathaot saong jaik kathaot. Yaom maja mek ralow urak ini jeng hu glaong, 1 kilo maja brei mek ralow labaih 1 trieu meteh, daok maja pajaih ye sa drei pablei tabiak darak pasar jeng labaih 5 trieu jien ndong. Ye kol dahlak hulin hu mbaoh harak pambuak bruk haong hop tac xa pabak maja pajaih ka drei, blaoh taphia nan dom urang nan blei gilac maja pajaih.”

Siam lagaih ba mai meng bruk peih mbang ngui, dalam nan hu briuk raong maja hu daong piah ka urang di ban sit Phước Long trun samar drah baoh sang kathaot. Meyah abih thun 2023, dom baoh sang kathaot di ban sit daok labaih 2% ye urak ini daok tok labaih 0,5%, samu haong 22 baoh sang./.