Raya Tet Nguyen dan ieu lac masa piah ka dom baoh sang rami ramik sang danaok pabingu hala phun hala pamakre. Masa ini lagaih piah ka sang ngak bein dan thong labik blei salih ba tabiak kaya palei barau piah pachreih urang blei.

Tapen jalan nagar 91 tapa phuong Thuận Hưng, quan Thốt Nốt, Ban Can Tho ieu lac sa labik ngak tabiak kaya pablei janih phun pajaih, ralo di nyu hu phun janih njam patam hala bar sambo. Kayua kuran taneh, 5 thun blaoh, ralo sang ngak bein ba bruk pala phun tame pala dalam chau di masa raya Tet piah patagok yaom kom kinh te.

Dom chau bap cai hijau siam, hala kanying dan thong bilik tame gauk, ngak jeng bingu la gheih mata jeng phun bingu ngak makre “oh maluk haong thei” pachreih hu ralo urang blei.

Tui ilamu mukei, bap cai vil vil, brei thau yau ye saron mbon selamat, ginap mada. Pachang haong ralo janih phun ieik karei, bap cai brei tame chau yau ye khin ka khang kadang, mbuan si raong pala lagaih haong langik tasik laan langaok di bilan raya Tet. Mada jeng hu ralo baoh sang mek gom mayek led atau luk sơn hu sambo tagok di rup chau bap cai piah ngak gheih ieik main.

Di bein ong Lê Văn Bé Chính daok di bhum Tân Phước 1, phuong Thuận Hưng pala 500 chau bắp cải. Mada ka oh tal raya Tet Nguyen dan min hu pablei jaik si bih blaoh.

Tui ong Chính brei thau, harei dalau oh hu ganap taneh pala ong ba tame pala dalam chau piah pabak kaya mbang di dalam sang.

Tuk camareip, ralo urang blei mboh gheih mata bat me blei mai pala anak caik sang, anak mbang sang jeng ye di mblang angok sang. Mboh ralo urang khin dak harei dak ralo, ong brei paralo bruk pala tagok yaok rituh chau yau ye ini.

Langiu mboh gheih mata, bap cai pala dalam chau daok bam ai kein kinh te glaong ka sang ngak bein. Mayah pala angak haluk, bap cai pablei hu 7.000 ndong/kg min pala dalam chau, yaom pablei tagok meng 25.000 – 30.000 ndong/chau, glaong meng 2 – 3 mbang.

Min, piah pala bap cai dalam chau njauk iek glang ka tani tanat, meng pruk tuh ia, buh khak tal dom janih khik caga ka gheih ka siam ka paok njam nyu praong, nin gheih mekre.

Meng bilan 9 saka ia bulan, ong Chính tame bruk tabam bầu, tal parami bilan 10 ba anek phun tame chậu. Hadei 2,5 bilan ieik glang, phun nyu tabiak kaduk bap blaoh praong dui atah tal harei raya Tet.

Janih pakuang chậu hu ong Chính pilih pala praong meng 25 - 30cm, tathoak ia siam. Pala meng haluk tơi xốp, pamaluk khak huu co dan thong ganap ia ka phun njam. Dalam nan ong caik hatai caga halak haling mbang hala njam bắp cải, khik ka siam njam katam phun kayau.

Urak ini, langiu di phun bap cai, ralo urang ngak bein di phuong Thuận Hưng jeng ba ralo janih phun pala ba tame chau yau ye tangei tei, njam cải hijau, amraik, padai, payia…piah pablei ka urang blei padang ieik harei raya Tết. Yaok dom phun pala jeng hu angan karei karei di nyu, ba angan tal dom janih siam makre njauk hatai jai di urang caong khin tame thun barau.

Caong dom janih gheih siam yau bau blaoh brei tamuh ralo di dalam bhap bini bhum palei di masa meng anak, daong kaya mada mek hu ralo siam makre jien padai brei ka mikwa bhap bini./.