Thun 2010, sa-ai Nguyễn Thành Tân (ndih tapui thun 1991, daok di phường Long Hòa, quận Bình Thủy, TP Cần Thơ) peih bruk ngak mbang meng raong lanung hamu min kein laba oh hu yau hatai caong khin. Sa-ai Tân brei thau, meng lavik mai, menuac raong lanung di Bhum taneran kraong Cửu Long rilo meng duah blei lanung pajaih hu cap mek meng kraong ribaong mai palao raong, nan ye pajaih oh tani tanat.

Tal thun 2018, tapa danak dak pandar công nghệ glaong di Sang bac Thuỷ Sản (Sang bac Đại học Cần Thơ), sa-ai Tân nao duah thau, bac megru saong pandar bruk raong lanung brei ia nduac nao mai. Hadei di 5 thun ngak, tal urak ini, bruk raong lanung di sa-ai hu jak jeng saong peih tabiak jalan siam lagaih ka bruk raong di palei ini.

Sa-ai Tân brei thau, raong lanung tui jalan klak brei salih ia 1 - 2 mbang yaok harei. Raong lanung brei ia nduac nao mai oh cang salih ia. Tapa nan hu daong ka urang raong patak pataom hu biak rilo ia yaok vụ raong, trun hu prein ngak. Langiu di nan, bruk ia nduac nao mai hu daong ka labik daok di lanung tuk halei jeng hacih, tani tanat glaong jang duk haong bruk raong salih ia. Langiu di nan, urak ini urang raong lanung rilo meng pandar ia bingun raok, meda kandaong labaih dom jru mek meyah oh hu langyah meda ngak brei lanung suai praong.

Urak ini, sang sa-ai Tân hu 24 danao raong labaih 100.000 drei lanung. Yaok thun raong hu siam, sa-ai Tân meda pablei tabiak hu meng 10-12 tấn. Meyah yaom jien phun raong yaok kg lanung lac 70 - 80.000 đồng (tui bilan raong) ye yaom pablei lac 100.000 - 110.000 đồng, laba 30 rabau đồng yaok kg.

TS Đào Minh Hải, Dự án viên, Sang bac Thuỷ sản (Sang bac Đại học Cần Thơ) brei thau, bruk raong lanung tui ilamu brei ia nduac nao mai lac danak dak hu JICA (Jabat pambuak bruk dunya Japon) daong ka Sang bac Đại học Cần Thơ saong bhum taneran kraong Cửu Long. Bruk raong lanung thâm canh tui jalan brei ia nduac nao mai hu daong ka urang raong lanung trun hu phun jien, lagaih haong biến đổi khí hậu saong tani tanat bruk ngak mbang duah jien. Urak ini dom sang raong lanung tui bruk brei ia nduac nao mai pasang iek hu ruak kik, prein yava saong chất lượng drei lanung raong. Gam haong nan, trun hu bruk salih ia, tagok sản lượng lanung raong, pasiam saong patagok tukvak lanung praong, chất lượng lanung saong kein laba bruk raong.

Bruk raong ini jeng langyah hu ia nerak saong daong tui iek hu bruk tathuak nerak. Meng nan, daong khik caga alam langik tasik, padang tabiak saong patagok ilamu công nghệ raong hacih, siam, pabak hu hatai caong di urang blei mbang. Tiến sĩ Đào Minh Hải khan lac: "Lanung hacih hu pablei haong yaom glaong jang, peih tabiak jalan ka Việt Nam meda pablei tabiak negar langiu, abih di nyu lac di dom darak pasar kan tame yau ye: Japon, Hàn Quốc... Nan lac dom bruk daok caong hu meng bruk raong ini"./.