Ka sa lac kuac rok jalan tathuak ia bein phun: Tuk padang bein phun mbang baoh brei ngak jalan tathuak ia: di Bhum taneran kraong Cửu Long, jalan ia nduac hu ngak di kreih ro atah tui ro saong hu dom jalan sit tathuak ia trun tapen dua gah ro.

Di bhum mbon ceik, jalan tathuak ia hu ngak tui jalan glaong samu gauk saong hu jalan gar sit piah gam tathuak ia gam pacang jaleih haluk. Di akaok bilan hajan, dom jalan tathuak ia ini brei hu kuac takac piah tathuak ia siam dalam luac bilan hajan. Abih di nyu nan lac thun ini, daok hu dom mbang hajan khang ngak dauk ia, ngak kan kandah tal bruk praong tagok di phun.

Kadua lac rao hacih jru mek ka taneh: dalam bilan pandiak, dom janih jru mek yau ye likhun, ia mbak, pataom rilo di mbaok taneh bein phun mbang baoh. Di bilan hajan, ia hajan ngak ralai dom janih jru mek ini ngak kanjak jhak tal gha phun dalam bein. Ong muk drei thau cambaih ka bruk kanjak jhak ini, oh lac ngak kan kandah tal phun pala bo daok ngak kanjak jhak tal prein yava di anek manuac, nan ye takik tabiak ngak bein di tukvak bilan hajan.

Piah daong ka phun pala khang kadang, di bilan hajan mikva njauk ngak pasoh hasit mbaok taneh blaoh proi cur atau khak Đầu Trâu Mặn phèn tagok mbaok taneh. Cur hu buh 200-300 kg ka sa ha. Daok khak Đầu Trâu Mặn phèn buh 100-150 kg ka sa ha piah rao hacih jru mek.

Ka klau lac cakak pasiam dhar phun: bruk cacak dhar lac piah pachreih phun tabiak caduk bahrau hu khang kadang, dhar phun van huan taduan hu ginup ia harei saong trun takik halak halin. Daok pasiam dhar lac daong ka phun hu dhar gul samu, glaong lagaih.

Njauk cakak klaak dom dhar hu brei baoh bloh, dhar oh siam, njauk halak mbang saong dom dhar tamuh oh njauk labik. Njauk cakak dhar gam haong pasiam  dhar meng cakak katut dom dhar biak atah atau tamuh biak glaong, atau dhar biak praong oh samu gauk. Cakak oh tapa 25% dom dhar phun.

Dom jalan cakak, hu đường kính labaih 1 - 2 cm brei hu luk sơn, cur, jru pacang bimao atau pandar băng keo nilon pacang sir labik cakak oh caik ka ia njaom tame. Hadei di yaok mbang cakak njauk puh pataom dhar cakak blaoh piah patakik anek ruak pambak tabiak. Njauk pandar cur srau haong ia blaoh luk tagok phun.

Ka pak lac buh khak raong dhar bahrau: Hadei di tuk cakak dhar ngak pasiam blaoh, brei buh khak lagaih piah ka phun samar hu veik prein, raong dhar hala bahrau caga ka vụ patui di nan. Urang nong brei tacaoh pasoh taneh vil val gha tui, praong labaih 50 cm saong dalam  7-8cm.

Mayah ro pala dua jalan saong phun hu dhar ye kuac pasoh sa jalan atah di kreih ro saong jalan gar  di kreh 2 phun angaok jalan. Buh khak tame dom jalan hu ngak pasaoh bloh.

Khak NPK buh ka phun tukvak ini hu đạm glaong yau khak “Đầu Trâu AT1” pandar meng 1 tal 2,5 kg ka sa phun tui yaok janih phun saong tui phun praong atau sit.

Mayah phun praong oh siam meda pabak veik 0,2 tal 0,4 kg sa phun khak Đạm Hạt Vàng Đầu Trâu.