Ikan bhian hu raong di bilan 2 – bilan 3 yaok thun. Tukvak raong meng 5 - 6 bilan, tuk ini ikan trak meng 600 g tagok meda mek pablei hu. Mikva njauk pilih ruah pajaih ikan praong samu gauk, praong jang atau samu ≥ 8 cm, ikan khang kadang, caluai samar, drah, sambo màu hadah, oh saluah, oh lahik labar. Ikan pajaih njauk hu harak chứng nhận pasang iek jit ruak. Oh palao ikan tuk mboh tanut bhong, atau patih, kakah njauk mbang lapih atau saluah.

Lồng raong lagaih lac praong meng 50 - 100 m3. Dom lồng hu pagam gilac veik haong gauk ngak jeng bè raong.

Khung lồng hu ngak meng pasei chữ V, pasei hộp atau nding thép mạ kẽm pacang caga caraih, phi (Φ)34 - 42. Mikva meda ngak lồng meng kayau hu blaoh piah trun manieng phun jien, lac dom janih kayau daok hu dalam ia, dom mbaik kayau (thanh đà) praong 5 x 10 cm, atah meng 4 - 6 m.  Lồng lưới ngak meng talei nhựa manyim oh hu meta piah ikan oh njauk saluah. Dom ô lồng caik tui labik, yaok labik meng 10 - 15 ô lồng. Dom cụm lồng/bè tuk caik tapak gauk brei atah di gauk takik di abih lac 10m; tuk caik oh tapak gauk, patui gauk atah di gauk takik di abih lac 200m. Pilih labik hu jalan ia nduac tapak, prein nduac 0,2 - 0,5 mét/giây (m/s). Oh jaik tatua, binek kavei, oh njauk kan kandah di ia sua, ghe gilai nao mai, mbaok ia oh glaong biar samar, oh hu jalan ia nduac saong oh gaok jalan ia tachrauk nerak.

Tukvak palao ikan di dah page atau bier harei halui, tukvak palao siam di abih lac: Page meng maong 6 tal maong 8, bier harei meng maong 4 tal maong 6 melam. Plaih palao ikan di kreih pandiak, langik jaik hajan saong dom harei hajan praong dui atah. Tuk ikan pajaih hu ba mai tal labik lồng, tram kadung jaik ikan tame dalam ia meng 15 tal 20 minit, piah tani tanat nhiệt độ, peih pabah kadung, brei ia meng langiu tame dar dar, ikan dalam kadung eng drei caluai tabiak langiu, jhui tuh ka ikan tabiak. Dalam harei camereip oh brei ikan mbang piah randap haong labik daok bahrau. Bhian pasang iek prein lagaih saong prein yava di tapon ikan palao raong. Pandap mbang ka ikan salat  pandar pandap mbang công nghiệp, pandap mbang eng drei ngak, tani tanat hàm lượng đạm meng 25 - 30% atau pambuak gam pandap mbang công nghiệp saong ikan tạp.

Tuk bahrau palao raong, njauk brei mbang pandap mbang công nghiệp dalam 5 - 10 harei piah ka ikan randap haong labik raong. Rilo meng brei mbang pandap mbang ikan tạp hu kahaong tathak dalam harei piah plaih ngak brei nerak tachauk labik raong. Brei mbang meng 5 - 7% trọng lượng ikan. Dalam tuk raong, njauk pabak pandap mbang cong nghiep janih tapung piah ikan praong siam. Njauk ba pandap mbang trun lồng raong jeng rilo mbang piah ka taong abih ikan jeng hu mbang. Pasang iek bruk mbang di ikan, tui iek tanut mbang pandap mbang piah rami ramik veik pandap mbang ka lagaih. Piah khik ka ikan praong siam saong tagok prein pacang caga ruak ka ikan, njauk pabak dom janih men vi sinh, vitamin, khoáng chất./.