Kadha urang ngak hamu caong thau adit ini, kol dahlak hulin likau yaih khan kadha vak hu ba tagok blah web online Cà Mau hu ndem tal dom jalan ngak piah daong ka menuk baoh rilo dalam bilan pandiak bhang.

Tuk padang ngak var ro raong manuk caih baoh, mikva njauk pilih ruah labik laneing, lahơi. Gam haong nan, tabung var ro njauk tauk meng tôn la-an, tauk meng hala… Vil val var raong, mikva njauk pala rilo phun piah hu halui. Var raong brei ngak glaong, laneng, lahơi di bilan pandiak, plaih njauk hajan thaic, hangin tame. Mblang var ro hacih sa-at, tauk tal lapih, salih blah tauk tui bilan ka var ro tuk halei jeng thu, hacih anek ruak.

Pandap mbang lac hu makna biak praong dalam bruk raong manuk saong bruk menuk baoh, abih di nyu nan lac tuk langik tasik oh siam. Ngan haong dom janih ngũ cốc, mikva tok brei mbang meteh dalam pandap mbang. Mikva meda brei ka manuk mbang pabak manyek ratak đậu nành piah patagok prein caih baoh.

Tuk langik pandiak bhang, manuk bhian mbang takik jang. Kayua yau nan ye, mikva njauk pabak pandap mbang haong protein, amino axit ka manuk. Mayah kurang protein meda ngak brei menuk takik baoh. Dom janih pandap mbang hu rilo protein bo mikva meda pandar lac kak ratak, kak brah, manyek hạt bông…. Dalam tuk nan, dom protein athur yau ye tabung ikan tok pandar mbiah lagaih, daong ka manuk mbang bingi jang.

Piah pacang caga pandiak yaok harei dalam bruk raong manuk, mikva njauk pabak ia hacih saong ngak brei lahơi, bingi. Brei rilo ia saong rilo máng  jang ka menuk menyum ia. Jalan nding ba ia saong bingun ia meda dalam haluk atau hu tabung pacang pandiak piah khik ka ia dak laar dak siam, kayua ia laar meda daong ka manuk trun pandiak dalam rup.

Buh tame ia manyum 0.25% sara ngak tagok ia manuk manyum tame saong hu kein ka tapon manuk.

Dalam bilan pandiak bhang, mikva njauk brei ka manuk mbang di tuk dah page, bier harei halui saong di tuk melam, plaih brei mbang di tuk tabung glaong meng maong 9 tal maong 3 jala pandiak. Parabha jeng rilo var mbang dalam harei, yaok mbang brei mbang takik min brei mbang rilo mbang jang.

Brei mbang karei canxi: Bruk ini daong patagok pandap tame jeng yau tanut canxi pandar, gam haong nan, jeng daong patagok parilo baoh saong chất lượng kanduh dalam bruk raong manuk mebaoh.

Salih năng lượng dalam pandap mbang meng năng lượng di chất béo lac sa jalan ngak piah patrun patakik tamuh pandiak kayua tabiak pandiak meng tiêu hóa saong ralai srau pandap di tabung glaong jang, samu 30% dut saong chất béo.

Caik rilo máng mbang jang (abih di nyu nan lac ngan haong manuk palao di bein) piah ka manuk oh lahik rilo prein atau meriak gauk piah mbang.

Pabak vitamin C, điện giải, saradang tame dalam ia manyum piah daong ka manuk tabiak pandiak saong patagok prein pacang caga ruak.

Caik ka menuk laneing lanoi, ngan haong manuk ralaow lac 9-10 drei/m2 saong manuk pajaih lac 4-5 drei/m2. Mayah pandiak rilo meda palao manuk tabiak bein, tabiak gha kayau vil val var ro.

Ngan haong dom baoh sang raong manuk meng var ro pacang sre: nhiệt độ var ro tuk halei jeng khik tani tanat meng 22-250C; ẩm độ 75%. Takik brei tagok pandiak samar dalam var ro - pandar nhiệt kế saong ẩm kế caik dalam var ro piah tui iek.

Var ro huang: siam di abih njauk hu labik “me-in” lahơi atau bein hu rilo phun kayau piah ka manuk plaih di pandiak dalam dom harei langik pandiak biak glaong. Plaih pajeng manuk dalam tukvak pandiak glaong abih dalam harei lac meng maong 10 tal maong 3 bier harei.

Hadei di mbang pandiak, mikva njauk pabak vitamin saong janih dinh dưỡng, plaih caik ka manuk kurang dinh duong, trun kilo, glar glar./.