Piah pacang caga saong taong ruak, patrun patakik khat lahik meng ruak, likau khan brei mikva urang raong kubao, limo thau dom jalan piah thau lac ruak saong jalan pacang caga, taong ruak yau ini:

Ruak laka kalik kayua vi rút di nyaom Poxviridae ba mai. Ruak ngak brei laka, khut kalik, trun kilo saong meda ngak brei metai. Ruak tamuh tabiak ngak brei trun daok takik ia tasau, takik metian hu, mbuan talabuh di athur daok metian. Njaom mbak rilo meng tapa jamaok, côn trùng  njuk darah… Kayua pandar haong gauk dom pandap yau: máng mbang, menyum, pandap dẫn tinh, jrum klauk jru tuk ruak…

*Dom kadha hu mboh tuk kubao, lamo njauk ruak:

-  Takik mbang, klaak mbang, takik ia tasau.

-  Pandiak, brah hạch, cambuai rilo ia pabah, sraiy ia meta, haok ia dhung.

-  kalik ndaong dom tanut sần u, bhian tamuh dahlau di takuai, blaoh mbak tabiak abih rup, cambuai, tasau...

*Piah pacang caga ruak laka kalik di kubao, lamo, urang raong brei ngak siam dom bruk yau ini:

-  Tok blei kubao, lamo pajaih di labik thau cambaih, hu klauk jru caga ruak laka kalik. Dom drei athur bahrau tame  kapul brei hu pasang iek dahlau di tuk pajeng ba saong brei daok karei meng 3 - 4 adit.. Puh ramik, pataom mek hareik hareim, nerak tachauk, pametai jamaok côn trùng dalam var ro saong labik raong. Takik brei tuai tame ravang iek labik raong. Pruh jru pametai anek ruak pandap thú y, var ro, pandap tame tabiak labik raong.

* Jalan iek glang saong daong taong ruak kubao, lamo njauk ruak:

Tuk kubao, lamo njauk ruak bhian pandiak, klaak mbang, nan ye brei sangka iek glang, daong prein ka athur raong saong pandar jru pacang caga dom ruak. Pandar jru pacang laka, patrun pandiak ka athur raong. Tame ia sinh lý mbak atau taba ka athur raong. Meda pandar kháng sinh atau jru taong ruak ký sinh trùng jalan darah piah klauk ka limo, kubao njauk ruak, pacang dom ruak nhiễm khuẩn saong ký sinh trùng jalan darah./.