Mai tal xã Tân An, huyện Vĩnh Cửu, tal puk Cây Xoài sua tangi urang kaya mada angan Trần Văn Mười daok hu angan ieu lac Mười Tẻo ye thei jeng thau. Ong Mười hu labaih 10ha kruac bhung hu pandar công nghệ sinh học IMO.

Ba kol dahlak nao rivang sang bein hijao mekre, bak baoh, ong Mười brei thau, chế phẩm IMO (vi sinh vật bản địa) lac janih chế phẩm hu ngak meng dom janih pandap hu blaoh, daok lavik thun di alam langik tasik di puk palei. Dom vi sinh vật biak khang prein saong hu hoạt tính sinh học glaong, daok kadauk dalam taneh, ia … hu mbaok tame bruk phân giải janih hữu cơ, ngak brei chất hữu cơ jeng CO2 saong dom hợp chất vô cơ karei, daong ka phun pala tamuh siam, khang kadang.

Ong Mười khan lac: “dahlak caong pala-ngak tani tanat, suai lavik saong khik hu dinh dưỡng di taneh nan ye ngak tui jalan ngak nong hacih. Pandar IMO ngak pasiam hu taneh, daong hệ vi sinh dalam taneh hu siam, pacang kateik vi sinh jhak ka taneh, patrun patakik di abih jru khik caga phun pala dalam bein”.

Tui nan, langiu di khak manuk hu blei meng dom var ro di palei hu pa-auk haong men vi sinh, ong Mười daok pandar dom kaya nong klaak dalam bein, yau ye kruac bhung daok mada, kruac khut, palang, maraik… piah pa-auk haong chế phẩm sinh học IMO eng drei ngak, hu gam patei, sữa chua, halkeik, ngak tabiak jru halak thảo mộc saong khak hữu cơ. Njauk caik hatai nan lac, bruk pa-auk jeng hu ong ngak meng jamraik, yau ye jamraik ngak tabiak oxy piah sarau dom chế phẩm sinh học, mac li-ua srau khak…

Tui ong Mười, meng jalan ngak hu ilamo, kruac bhung tamuh siam, khang kadang, takik hu halak halin, baoh mekre saong hu rilo baoh. Tui kuhria yaok ha kruac bhung paik hu meng 25 - 30 tấn, ini lac năng suất biak caong maong di rilo po bein dalam bhum. Meng pala ngak tui jalan hacih sa-at, kruac bhung di sang ong daok hu dom urang blei mai tal bein blei yaom glaong jang yaom darak pasa meng 20 - 30%. Kuhria rah tapa, yaok thun 1ha kruac bhung di ong ba jien tame hu labaih 500 triệu đồng, dalam tuk abih tih yaom jien sangka iek glang kruac bhung ka oh tal 100 triệu đồng/ha.

Thun 2021, ong Mười khang hatai buh tabiak labaih 600 triệu đồng piah blei sa sruh kapal haoh oh hu manuac peih (drone) piah pruh jru khik caga phun pala, buh khak. Bruk pandar drone daong patrun yaom jien buh tame, tukvak, manuac ngak, khak drak dalam tuk sangka phun pala, khik siam mekre salamat prein yava meng plaih taom gaok tapak haong khak drak, jru hóa học… 

Tui kuhria mboh di ong Mười, bruk pandar drone hu daong ka ong patak pataom hu 20% jien pah manuac ngak, dalam tuk nan, phun tamuh siam, năng suất oh trun. Urak ini, ong Mười daok tagok jalan ka bruk salih bruk pala kruac bhung tapa ngak abih tui jalan ngak nong hữu cơ./.