Pajaih phun rambut mada pagam hu luac thun. Min tapi, phun pajaih pagam jeng meng bilan 1 tal bilan 3 saka ia hrei siam jang kayua langik tasik tuk ini lagaih brei ka phun pala tagok khang. Pagam mata kayau phun rambut njauk pilih tuk langik dah pandiak khang, oh brei pagam mata phun kayau tuk lagik juk jan ralo oh lagaih ka phun pajaih. Mata phun brei pagam jeng phun pajaih njuak hu asal mai meng phun gok amaik dalam bein hu urang ilamu brei lac njauk lagaih.

Mikva njauk caik hatai eik glang bein phun amaik dalau si brei pagam mata yau ya: Buh khak brei ka phun amaik siam, manek tabiak mata khang. Pilih dhan nyu khang mblao tabiak, mata phun hu mang 4–5 bilan, dhan brei pagam mata praong meng 0,5–0,7 cm. Taih win dhan dalau si pagam meng 20 – 30 harei tui bialan (bilan hajan njauk taih vin dhan meng 35–40 harei).

Pilih harei pandiak khon, cakak dhan tuk langik laan hui, caga plaih pandiak khang. Cakak dhan tal halei cakak hala tal nan, njauk piah gok hala. Hadei di cakak, dhan brei pagam njauk pagam tame chip. Mayah dhan brei pagam labaih njauk piah tame halui mala phun kayau, tapaok nyu meng pataik khan bai tasah ia, juai brei thu ia lahiuk ia di dhan drei barau pagam blaoh.

Hadei di nan pabam pala tui yau caga blaoh brei tuh ia ka phun. Yaok harei tuh ia meng 1–2 mbang tui langik hajan atau thu, tuh ia mang tuk masa page atau bia harei hlaui laan. Njauk ngak majam pacang halam juk brei patakik iaharei trun daok 50%, labaih 10–15 harei hadei di pabam brei taoh. Hadei 20 harei phun tamuh khang siam drei taoh majam halam abih.

Hadei mboh phun tamuh gha njauk buh khak yaok 15-20 harei/sa mbang. Khak brei paralo tui thun di phun meng 0,5–2 kg/1000 phun. Mada brei pandar khak di van raong haong khak NPK tui NPK 16-16-8; 30-10-10,… Kreih di brei buh khak mada njauk brei pruh khak di hala nyu. Pandar khak tapa hala Silimax tui yaom meng 2,5 ml/lít pruh ka phun.

Hadei di pabam pala mang 8–9 bilan phun gok pagam glaong meng 60–70 cm, rup praong labaih20 cm glaong di mbaok taneh mang 0,5–0,7 cm, phun khang, gha, phun hala jau siam, oh njom halak ruak. Brei pagam tuk bein gok brei pagam hu labaih 70%.

Bhian brei pahacih hareih harom mang tangin jeng ye brei takik pandar jru cavao pacang jalan praong tagok di phun pala mada. Bhian bhian cakak dhan hala njauk piah hasa dhan amaik piah pagam. Hadei di pagam meng 45–50 harei drei njauk ieik glang nyu gam ha oh. Mayah phun gam siam, mata blao phun mada ye drei peih papaok ka phun pagam. Hadei di nan njauk tuh ia, tuh ia sa harei sa mbang vaktu page haong bia harei tuk langik halui.

Tuk mboh phun tamuh bahrau hu hala cah tabiak hijau drei njauk ieik brei pachreih ka phun tabiak gha. Buh khak 10 kg khak hữu cơ haong 2 kg bimau agha Rizomix ka 1000 kadaoh bầu, yaok 30 harei drei buh sa mbang. Dom dom phun mada njom anek ruak, halak phun rambut chôm chôm tuk gok pagam, shadei di pagam yau ye halak mbang hala, ruak matai hala, ruak khuot hala… njauk caik hatai eik glang piah dil pacaga halak halin palai phun pala./.