Meng di tuk daok pabam danih meng 10 harei mikwa pandar blaoh ilamu tuh pruh dauk mbaok taneh oh cang ba ia tame hamu, tuk phun padai meng 10 harei tal 20 harei, urang ngak ba ia tame hamu piah pacang hareih harom. Hadei di nan, urang ngak hamu taoh ia tabiak hamu piah ka padai lah dhan. Tal padai matian, urang ngak hamu njauk taoh ia piah ka padai cak gha tame dalam tanah. Tuk padai tabiak tangi, khik ia dalam hamu mbiah 5cm, ganap ka padai khang kadang, asal brah siam.

Tui muk Nguyễn Thị Bích Trân, Phó akaok balai Pala haong caga phun pala huyện Cờ Đỏ, hadai di padai chraoh nerang, urang ngak padai oh cang khik ralo ia dalam hamu, bien halei ia dalam hamu mala 15cm, meng ba ia tame hamu. Dalau si yuak meng 15 - 20 harei, mikwa njauk toh ia tabiak hamu, ka nyu thu lagu lagaih sanang brei ka radaih.

Tui roh duah di urang ilamu, kỹ thuật tuh ia dauk/ ia thu pablah gauk daong brei pakurang ia pandar dan haong ka tathuak metain dalam ngak padai. Mayah mikwa pan hu jeng ye thau padar tani tanat kỹ thuật ilamu ini mada daong kurang khut khat ia pandar di bilan thu lagu brei ka phun pala anek raong jeng ye ngak ka padai siam jang.

Urak ini 91% taneh ngak padai Hè Thu hu urang ngak nong huyện Cờ Đỏ ngak tui jalan tuh ia tuh thu ngập khô pablak gauk. Di Cần Thơ, dom labik mblang hamu padai praong, urang jaka gah pachreih ngak nông kham marat pato urang ngak nông pandar kỹ thuật tuh ia tuh thu ngập khô pablah gauk.

Urang ngak Nông hu pato ngak padai "1 njauk, 5 patrun" (1 phải ieu lac njauk pandar pajaih hu angan, 5 patrun: ieu lac patrun pajaih drak, pakurang jru caga halak haling, patukik khak, tukik ia tuh dan haong tukik palai hadei di yuak kuak) dan haong "tuh dauk thu pablah ". Tui ilamu kỹ thuật ini, urang ngak padai ba ia tame hamu dauk 15cm dan haong brei ka ia dauk phun padai meng 5 - 10 cm ieu lac gap. Mai meng nan, urang ngak nông caga hu prein yawa, masa, jien ndo payar (xăng, manyeik, điện gom njuk ia pandar).

Urak ini, urang ngak nông huyện Cờ Đỏ hu brei daong 44 janih ndap nda iek glang caga ia di dalam hamu. Dalau diah, mikwa njauk tabiak hamu jeng ye njauk tui ia tame hamu. Urak ini hu jamariak ieik glang ia tame tabiak thu atau ia brei ka urang ngak nong daok di sang jeng thau ia thu atau tasah di dalam hamu padai..

Uang nong Phan Văn Ân di huyện Cờ Đỏ brei thau lac, camraih ieik glang ia dalam hamu pambuak gam haong phone daong ieik glang ia dalam hamu mboh lagaih jang. Mayah jamariah khan brei thau ia mala 15cm dut tui mbaok hamu ye saai Ân meng tabiak hamu njuk ia tame hamu. Bruk ini ngak brei salih janih ngak padai dut tui meng dahlau. Urak ini, saai Ân haong dom urang ngak nông daong kuran masa tukwak, pakurang ia tame hamu min tapi padai siam.

Muk Phạm Thị Minh Hiếu, Akaok Chi cục Pala haong Caga phun pala Ban Cần Thơ lac, tuh dauk ia thu pablah gauk gam brei kuran tuk ia, pakurang jien payar, gam lagaih haong pala drak phun pala, phun padai cak rok siam. Tui langik cuaca salih yau jaman ini, bruk tuh ia, pandar ia tukik di urang nông di Cần Thơ jeng ye di hujung kraong Mekong Taneran kraong Kuu Long. Patui di nan daok daong pakuran khí metan tamuh, tui jalan ngak padai siam lagaih karo kajap./.