Dahlau daih, bhum taneh xa Long Hưng njauk njom ia lakhun trak, taneh dhaong biar, rilo di nyu mboh pala phun tabau, tràm, patei… siam lagaih ba mai oh glaong, raidiuk rahra gaok kan kandah kayua jien laba oh rilo. Dom alam dom thun tapa, karja palei hu jhul khang bruk kraong ribaong piah rao lakhun, pasiam taneh, meng nan, rilo rahra hu ngak bruk salih phun pala pamaong tal bruk siam lagaih brei ka ngak mbang kinh te glaong jang. Dalam nan phun manah hu rahra pala saong hu ba mai siam lagaih kinh te jang dut haong caong khin. Ong Trần Phi Hùng, urang pala manah di xa Long Hưng brei thau:

Gam tui sa bhum taneh manah biak bhian randap. Meng nan di taneh ini urang pala tabau, pal phun tràm, tapa tukvak phun tràm oh hu yaom ye meng di thun 2020, jabat Ngak nong Mỹ Tú, tinh Soc Trang (klak) saong UB Bhap bini xa hu brei padang ka rahra khol dahlak hulin maong iek bruk pala manah, hadei di nan ye pambuak haong kongti. Meng akaok meti ye tok hu 5-6 ha pala min, blaoh hadei tukvak ngak dom mbang pala ye tal tukvak ini hu labaih 10 baoh sang pala manah di bhum Long Hưng.

Manah ieu lac sa janih phun pala lagaih saong taneh ndam ia lakhun siam, mbuan si pala saong takik halak haling, jien buh tabiak jeng takik. Tok Pala meng 15 – 16 bilan meda yauk paik mbang hu. Janih manah hu rahra di Long Hưng daok pala lac pajaih manah MD2 dan saong urak ini urang ngak nong daok pambuak saong sa kongti ngak baoh kayau pablei tabiak di ban raya Can Tho bahrau pabak ndap ndap blei tame, gam blei abih ndap nda, gam haong nan daong ilamo pala ka mikva.

Tui kuhria di urang pala manah, yaok mbang pala, manah brei paik hu labaih 60 tan/ha. Hadei tuk klak tabiak dom jien buh tabiak ngak, yaok thun jien laba mek hu labaih 100 trieu dong/ha. Dalam mbang pala ini, janih 2 hu yaom 5.700 dong/kg saong janih 3 hu yaom 3.000 dong/kg. Gam saong yaom manah hu hadom tagok, yaok hecta taneh manah brei ba mai jien mek tame rilo jang.

Jak jeng di bruk pala manah ini oh kurang hu bruk di karja palei. Meng bruk pasang iek, cih jalan ka phun pala, tal bruk daong ilamo jamraik, pambuak gah piah pablei tabiak, taong abih jeng hu kuhria dahlau bruk pasiam gah ngak nong di Long Hưng. Ong Nguyễn Thanh Điền, Akaok UB Bhap bini xa Long Hưng, brei thau:

Dalam tukvak meng anak, xa brei patui bruk sangka, gam saong nan hu pato tacei piah salih bruk ngak pala manah, patui veik peih praong mbaok taneh, peih praong bhum pala piah pagam haong bruk pambuak, tani tanat, brei jien mek tame glaong ka mikva. Salih tui jalan rilo phun, rilo anek, njauk lagaih haong bhum taneh Long Hưng, khol dahlak jeng hu sarak daong ka bruk ngak mbang piah daong bruk ini tani tanat saong karo kajap.

Meng sa baoh bhum taneh kan si pala meng dahlau daih, meng bruk kham merat di bhum palei saong bruk ba hatai ngak mbang dalam bruk salih phun pala ka njauk, urang ngak nong di xa Long Hưng, ban raya Can Tho hu duah mboh jalan nao bahrau karo kajap, siam lagaih saong hu rilo caong takre. Bruk pala manah oh lac sa janih peih tabiak kein lagaih ngak meda ka mikva bo daok daong paglaong yaom kaom gah ngak nong di ban raya Can Tho./.