Njam Kai yamen ieu lac janih njam mbuan si pala, nyu meda brei pala hu luac thun, tapi min tame bilan thu pala hu siam rilo jang. Meyah tame mbang pala bilan hè pandiak njauk brei pacang hajan saong ngak sang halam hanyol pacang hajan saong pandiak oh siam. Asar njam kai yamen hu thaik vil, mbuan tamuh. Yaom lac yau nan min piah khik kajap hu sa bein njam cakrok saong patagok samu gauk, ye bruk ruah pajaih biak hu makna. Drei brei pilih ruah blei pajaih di dom jabat pablei asar njam hu angan je siam, hu bruk samu gauk saong tamuh siam.

Taneh lagaih siam piah pala njam kai taneh ralo gluh, taneh laman siam… janih taneh ini nan hu tanut sot laman, rilo janih siam. Ngan saong labik ban, drei meda ruah pilih blei taneh hacih papaok piah pala njam kai yamen. Nan srau saong khak dahlau tuk pala kayua taneh papaok dahlau biak takik janih siam. Drei brei ramik hacih sa-at hareik harom saong ngak taneh pala ka tani tanat, sot taneh; pok haro glaong meng 20 – 25 cm, mbaok haro praong meng 1,0 – 1,2 m, mbaok taneh tapak mbuan si taoh tathuak ia piah plaih dauk dalam ia tuk hu hajan.

Brei ramik asar pajaih dahlau di tuk pala nyu. Dalau abih di nyu brei tram pajaih tame ia pandiak ngan saong tui yaom 2 pandiak, 3 la-an, dalam masa meng 4 – 6 tuk. Hadei tuk thraong asar caik ka njak ia saong pa-auk dalam sup ka tal tuk maong mboh hu dom asar calah tabiak ya ba pala. Ngak tapak mbaok taneh pala prai sa tal asar pajaih tagok, ma-om veik sa tal taneh yau nan veik brei kapal labaih 0,5 cm. Tukvak akaok meti brei caik dalam sup atau pacang halui, plaih pandiak biak khang pasang tame ngak thu samar drah mbaok taneh.

Njam Kai yamen hadei tuk pala brei tuh ia khik tasah bhian meng 1 – 2 mbang dalam harei. Meda pasiam lek taka so mbang tuh pruh ia patui tame langik. Njam Kai yamen daok dalam janih njam patam brei mbang hala, yau nan pataom tame rilo abih lac pabak ia đạm ka phun patagok siam. Caik hatai lac tuk pandar khak dam hoa hoc brei khik kajap tukvak caik karei dahlau tuk paik meng 7 harei.

Brei bhian buac hareik harom bhian, ngak jeng sa labik laneing lanoi piah hareik oh njuk abih janih siam di phun njam. Dalam nan njauk ieu lac, di njam kai bhian tamuh dom ruak yau ye halak khoang, halak mbang hala, halak tơ, ruak metai phun anek, ruak bluk atau ruai mbang hala… Kayua yau nan, bruk pacang caga halak haling brei ka njam ieu lac biak njauk caik hatai. Drei meda mek hala di hadah page atau biar harei halui, dalam nan njauk tame tukvak halak mbang rilo. Atau drei meda pacang caga halak meng meng kaok lasun toi, baoh amraik saong laya.

Langiu di nan, drei jeng meda pandar jru pacang halak piah hu siam lagaih jang. Njauk brei pandar dom janih jru yau: ye jru Sherpa 25EC atau jru pacang halak meng Bt piah pamatai halak, caga patakik ruak bruk bluk, pruh tui panuac pato hu cih di angaok kadung di gah ngak tabiak jru. Brei pandar dom jalan caga patakik taong abih yau ngak hacih sa-at hamu padai, pala saong drak khak ka njauk lagaih …

Phun njam kai yamen ieu lac janih phun katut panak harei yau nan ye meyah drei khin paik njam kai meda ye meda hu paik meng 5 – 7 harei. Daok meyah drei khin paik njam kai praong jang ye paik tuk hu hadei 30 – 35 harei hadei di tuk pala nyu. Gam saong njam phun kai yamen ye drei meda hu paik phun atau mek hala kai praong blaoh caik gilac hala kai sit ka mbang paik patui veik. Tuk njam kai yamen hu sangka siam ye drei meda hu paik gam gam dalam tukvak masa meng 1 – 2 bilan./.