Dahlau diah, ong Lắm pala njam tui bhap bini min ba mai laba oh lagaih, pambak tame langik saong darak pasar. Mboh hatai caong ka ndap nda kaya nong hacih sa-at dak harei dak glaong, thun 2017, ong tame duah thau ka bruk pala njam ilamo ky thuat glaong.

Ong Lắm khan mayai lac: “Meng camreip, dahlak hulin hu bhum palei daong 30% jien buh tame ngak mbang, hadei di nan ta-eng drei buh tame veik labaih 30 trieu dong padang gang betong, majam talei nyol patih saong majam ta-eng tuh pruh ia. Jien buh tame meng akaok meti oh sit, min tuk ba tame ngak, siam lagaih truh tapa bruk pala njam tui jalan meng kal klak”.

Dalam labik sang nyol praong 2.500m2, ong Lắm pala dom janih njam mek hala labaih 28 – 35 harei hu paik yau njam kai yamen, kai thia, kai hijao… Ong pala tui jalan talauk ciu, trun pajaih tablak meng yaok rai piah hu njam paik luac thun. Bruk pala hu ong ngak tani tanat, meng bruk ramik tani tanat, meng ramik taneh, drak khak tapung, trun pajaih…

Meng pala dalam labik hu pasang iek pandiak la-an, tasah, bruk ini daong patakik halak haling. Meng nan, dom janih njam tuk halei jeng hu rilo, khik kajap asar siam saong karo salamat kaya mbang.

Oh padeih di bruk buh jien tame ka ndap nda kaya, ong Lắm daok salih tapa pala huu co. Ong pandar bau kam, khak pong nerang, khak limo pa-auk vi sinh piah drak ka njam, salih ka khak drak hoa hoc. Meng nan, njam patagok siam hijao, salamat, patrun oh bih rilo prein yava sangka.

Tuk camreip, ong hu urang jakar pachreih kakei saong dom urang ngak khoa hoc ilamu tacei ba, pasang iek jalan pala njam ilamo ky thuat glaong. Hadei sa tukvak di nan, ong hu ngak po taong abih, meng bruk pala pajaih, pabam asar tal sangka, paik njam. Meng nan, paik hu rilo tagok dua mbang dut haong jalan pala tui meng kal klak.

Thun 2019, gam saong bruk daong di Kapul urang ngak Nong Phuong Hưng Thạnh (klak), ong Lắm hu tacei ba tut angan pacang khik angan ndap nda. Hadei tuk hu Kuk So huu tri tue brei angan, ndap nda “Njam mek hala Lắm” hu ba tabaik, jeng angan je njam hacih hu urang pandar je tame.

Daok jalan pala, hadei di tuk pilih ruah taneh, ong drak cun thaok tapung, trun pajaih blaoh prai khak limo hu pa-auk brai, srau gam haong bau piah patagok bruk pachop ka taneh. Labaih 3 harei hadei tuk pruh khak, blaoh tuk jaik tal tukvak yuak paik, ong patrun khak drak, gam haong nan, padeih taong abih bruk pandar khak saong jru piah khik kajap njam salamat dahlau tuk ba tabiak darak pasar.

Meng bruk pandar bruk pala dalam sang majam hanyol saong pala talauk, ong Lắm hu njam piah pablei luac thun. Bilan hajan, yaok bilan paik hu meng 4 - 5 tan, bilan pandiak paik hu rilo tagok dua mbang, hu labaih 8 tan. Njam hu urang ikak kaiy mai tal labik blei haong yaom 6.000 - 15.000 dong/kg. Langiu di dom jien buh tabiak, yaok bilan ong hu laba labaih 30 trieu dong.

Meng siam lagaih di kinh te ba mai, thun 2019, ong Lắm gam haong 25 baoh sang rahra dalam bhum padang Kapul pambuak njam salamat Hưng Thạnh. Ong hu pok tagok ngak akaok kapul, pan bruk dui ba ngak tabiak di angaok taneh 5 ha.

Kein lagaih di kapul pambuak bruk lac pambuak ngak tabiak saong pablei, daong khik kajap akaok tabiak tani tabnat. Taphia di nan, Kapul Urang ngak nong phuong jeng pambuak haong dom labik hu ilamo peih bruk pato pasram, jao ilamo ky thuat, daong pajaih, khak drak, daong dom urang dalam kapul patui veik paglaong asar siam ndap nda, pabak hatai caong khin di darak pasar.

Bruk pala njam salamat dalam sang majam nyol di ong Lắm oh lac ngak hijao di mblang hamu taphia ban medin, blaoh daok daong padang ka sa harei hadei di gah ngak nong ilamo kong nghe glaong di Can Tho./.