Mikva brei caik hatai ka dom bruk akaok meti rah tabiak di hala phun pala tuk jauk ia dauk dalam nan hu bruk kanyik hala atau bluk di dom arak hala, ba tal dom labik laman di takai agha atau kreh hala. Meda arak hala salih tapa sambo bar nâu, atau thu lagu…

Dom takai agha hu sambo hijao juk, nyu brei thau lac kayua ia dauk gam mbau bruk meda pagam tui mbau masam, bluk. Takai agha meda bruk brong di abih saong kanduh agha papaok tabiak. Agha kurang oxy saong oh meda oh njuk hu ia atau janih siam piah ba nao vil taom dar phun pala… Piah patakik khat lahik kayua ia dauk, mikva brei ngak dom bruk pacang caga yau ala ini:

Ngak majam tathuak ia: Dahlau bilan hajan ribuk, brei ngak majam kraong ribaong, braong tathuak ia piah brei ka phun samar drah tathuak ia tuk hu hajan praong. Bruk ini daong patakik bruk ia dauk phun pala dui atah harei.

Cakak dom dhan hala metai, dhan thro atah glaong piah patakik palai janih siam saong caga plaih ngak srau kadau takai agha tuk hu njauk ia dauk.

Drak khak ganap, dalam nan njauk caik hatai tal khak kali saong silic, daong phun pala hu prein pacang caga siam jang. Oh drak rilo dam kayua nyu tamuh tabiak rilo dhar meda, mbuan gaok kan kandah tuk dauk dalam ia. Patakik drak khak huu co oh ka pa-auk suai ngak vi sinh vat ngak khang, kurang rilo oxy di phun pala njauk ia dauk.

Tuk ia dauk dui atah labaih 2 harei, mikva brei ngak dom bruk hadei ini:

Meyah hala jeng daok hijao saong hu baoh, brei cakak atau klak abih baoh piah daong phun. Bruk ini daong patakik khut khat jeng ye pataom prein khang ka phun pala.

Pruh tagok hala phun srau janih EM tagok tapei atau ia njam puan tagok tapei. Pruh takik di nyu 3 harei sa mbang piah dui atah thun masa brei ka phun mbiah tal tuk ia trun. Janih srau ini daong pabak vi sinh vat lagaih, daong phun pala dalam bruk pasiam phun kayau.

Hadei di Tuk ia trun blaoh, njauk caik hatai brei ngak dom bruk piah daong brei ka phun hu siam yau ye:

Cakac ribaong, cakac labang piah ia tathuak samar. Khik kajap lac oh daok ia kandaong dalam bein phun.

Hadei di tuk ia trun ia tathuak, oh njauk brei ba ndap nda kaya, urang atau athur raong piah juak tagok labik ala takai phun. Bruk ini ngak kan kandah tal majam takai agha di phun, ngak phun mblung saong meda matai.

Hadei taneh thu, kuah sa tal gluh di mbaok taneh piah patayah gluh ndam, daong arthak nao trun mbuan pabak oxy ka agha phun kayau siam jang. Bruk ini biak hu makna piah agha phun samar chip hu pasiam.

Hadei tuk ia trun, oh pandar khak drak hoa hoc. Cang tal tuk phun hu pasiam truh ka meng drak khak veik. Drak khak samar drah meda ngak cuang kandah ka phun kayau./.