Phun plang dang di pandiak bhang biak siam, takik mbang ia, jien buh tabiak ka khak drak pala saong meda pala di rilo bilan dalam thun nan rahra hu karja pachreih salih meng pala padai sa bilan yuak hu takik, oh siam lagaih brei salih tapa pala phun plang. Phun plang mbuan si pala yau nan ye hu ralo urang pala vil taom dan taneh dalam sang, dalam bein, tapen ar hamu piah parilo jien mek tame, tani tanat brei dalam raidiuk.

Di xa kaoh pulao Tân Phú Đông, tinh Dong Thap, urang ngak nong pala plang meng 2 – 3 mbang dalam sa thun. Taneh pala plang di labik xa lac labaih 4.000 ha. Mek hu kuhria rah tapa lac meng 15 tan tal 17 tan/ha gam saong kein laba kuhria rah tapa hu jaik 80-100 trieu ndong/ha, glaong tagok jang meng 2-4 mbang dut saong ngak padai. Urak ini, urang ngak nong di xa Tân Phú Đông daok tame bilan buac phun plang hu yaom pataom blei meng gah ikak kaiy blei salih tal labik lac meng 4.500 dong-5.000 dong/kg.

Sa-ai Trần Công Khanh daok di palei Bà Tiên 1, xa Tân Phú Đông, ba hatai salih 0,2 taneh ngak padai tapa pala phun plang meng thun 2013 mbiah tal ini, kuhria rah tapa yaok 3 bilan sa mbang, sa-ai mek tame sang kein laba jaik 20 trieu jien ndong.

Daok sa-ai Nguyễn Văn Nhã, urang di palei Bà Tiên 2, brei thau, phun plang naih dang pandiak bhang siam, yaom jeng tani tanat, abih di nyu mboh hu takik gaok ruak halak mbang nan rahra sahnang hatai tuk pala plang. Jalan pala plang mbuan sahnang, tame bilan pandiak, plang hu pala di yaok labik halei, daok bilan hajan ye brei calah ar thuak ia piah plang oh bruk kayua dauk dalam ia hajan.

Taphia di nan, siam lagaih dalam bruk ngak mbang blei salih ba mai ka urang pala plang hu ralo baoh siam makre dalam, raidiuk ka rahra bhum palei; dalam nan, lagaih pataom tame kapul urang ngak bruk daok rilo tukvak daok saoh daok lahei, urang kamei, urang praong thun umo. Kuhria mboh taeng, di urang kamei cakak klak hala plang hadei tuk buac jeng hu jien mek tame meng 3 – 4 trieu ndong/bilan/urang.

Tui ong Lê Thanh Đằng, Akaok Uy mbang bhap bini xa Tân Phú Đông, piah patagok karo kajap phun plang urak ini lac phun hu pala rilo abih di bhum taneh kaoh pulao, bhum palei hu padang, tut angan saong hu mbaoh tangin tut angan ka angan je “Plang Tân Phú Đông” dalam bilan 4/2019, daong brei mboh angan je gam saong labik dang di phun plang. Gam tui di nan pato tacei urang jakar patagok bruk salih ilamo ky thuat, pandar ilamo ngak kong dalam luac bruk ngak tabiak, yuak kuak buac plang, langyah hadei yuak, ngak jeng ndpa nda…ngak tabiak yaom kaom tagok veik praong ka urang ngak nong gam haong gah pambuak bruk gam mbang kein laba.

Ong Lê Quang Khôi, Yam ndok So Khoa hoc saong Kong nghe tinh Dong Thap brei mboh, bruk ba ilamo ngak kong bahrau gam saong bruk buh jien tame tani tanat, hu bruk ba drei tame daong jien padai di karja, gah ngak mbang pablei salih, bruk pato tacei salih ilamo ky thuat di dom labik roh duah gam saong urang ilamo hu daong rahra bhum njauk kan kandah di bruk langik salih karei salih jak jeng hu ngak tabiak ndap nda kaya ngak nong, pandar dom ilamo ngak kong piah langyah dom asal kadha gah piah pablei phun plang tabiak gam saong ndap nda karei di phun plang. Meng di nan, ngak jeng majam ndap nda, daong patagok yaom kaom phun plang, peih tabiak sa jalan nao bahrau ka gah pala plang jeng ye ngak ndap nda plang di xa Tân Phú Đông jeng yau tinh Dong Thap./.