Mikva urang ngak nong hu mbaok tame bruk ngak ini trun hu phun jien blei khak drak, jru khik caga phun pala saong padai phun siam makrei jang, yaom pablei padai baoh kein laba ralo. Tapa mbang peih ngak iek bruk pandar khak hữu cơ meng pon nerang dalam bruk ngak padai vụ Đông Xuân 2022 - 2023 saong Hè Thu 2023 di quận Thốt Nốt, urang nong meda trun hu manieng  phun jien buh tame labaih 1,7 triệu đồng/ha saong mboh kein laba labaih 3,4 triệu đồng/ha dut saong mblang hamu padai oh drak khak ini.

Vụ pada Hè Thu 2023, sang ong Trần Văn Đạo, daok di phường Tân Hưng (quận Thốt Nốt) hu ngak 1,7 ha padai, dalam nan hu 1 ha pandar tui jalan ngak padai drak khak hữu cơ meng pon nerang saong 7.000 m2 daok gilac hu ngak tui jalan meng kan dahlau.

Vụ padai Hè Thu, ong Đào pala drak pajaih padai OM5451 ngan haong pajaih drak lac 80 kg/ha. Urak ini padai di sang ong Đào daok jaik tame bilan yuak. Tapa mbang taong yaom dahlau di abih, năng suất padai that di mblang hamu ngak tui jalan huu co tui kuhria mek hu 6,4 tấn/ha, glaong jang mblang hamu karei 0,3 tấn/ha.

Ong Đạo brei thau lac, dalam puac bilan padai Hè Thu, mblang hamu ngak tui jalan buh khak hữu cơ drak 1 tấn khak ngak meng pon drak ka 1 ha padai tui rilo mbang; gam tui di nan, pambuak gam khak hóa học piah tani tanat ginup prein ka phun padai hu tamuh siam.

Mblang taneh padai ngak tui jalan khak ngak meng pon di ong Đạo hu urang blei kakei dalau piah pataom blei ngan haong yaom labaih 6.300 đồng/kg. Hadei di kaoh abih phun jien buh tame, ong Đào kuhria mboh laba

Amuk Phạm Thị Minh Hiếu, Akaok Chi cục Pala drak saong khik caga phun pala ban Cần Thơ brei thau lac, hamu drak khak hữu cơ pa-auk meng pon hu daong ka gha padai tamuh tabiak hu rilo saong atah jang dut saong mblang hamu oh drak khak hữu cơ. Gha tabiak rilo saong mbang tame dalam, daong ka phun padai hu khang kadang, patakik bruk jaleih, oh lahik rilo hadei di tuk yuak kuak,… Mblang hamu ngak tui bruk pandar pajaih meng pakat brei thau cambaih tagok, drak lapih, drak khak hữu cơ akaok vụ daong trun hu dom khak đạm, patakik bruk tamuh tabiak halak halieng palai kaik. Meng nan, daong trun manieng hu bruk pruh jru khik caga phun pala, daong trun phun jien buh tame ngak, pataok năng suất, tagok kein laba saong asal brah hu siam jang.

Urak ini, gah ngak nong ban Cần Thơ daok peih ngak dom bruk ngak iek ka bruk pala drak padai pandar khak meng pon nerang, pambuak gam haong ilamo "1 njauk, 5 trun” di rilo puk palei. Yaok bruk ngak hu ngak 1 ha saong ngak dua vu padai (vụ Đông Xuân saong Hè Thu thun 2023).

Tapa taong yaom, bruk ngak ini hu daong ka urang nong trun hu meng 35 - 40% phun jien pandar khak, jru pruh hóa học saong kein laba hu tagok veik 10% di sa mblang taneh ngak dut saong bruk ngak padai meng kan. Patui di nan, bruk ngak padai pandar khak meng pon jeng ieu lac bruk ngak nong yeng win tuần hoàn, daong trun bruk tathuak nerak sang kreih, lagaih haong alam môi trường, trun manieng phun jien buh tame ngak, ngak tabiak pandap panda hu salamat saong hu chất lượng. Tukvak masa anak tal, gah ngak nong di Cần Thơ meda yaih khan ka parilo bruk ngak ini piah ka urang ngak nong thau tal saong pandar ngak tui./.