Sa-ai Ngô Hồng Thứ hu ilamu raong ada

Sang sa-ai Ngô Hồng Thứ hu ilamu raong ada ralow rilo, min tui thun bilan, bruk raong ada ralow hu takik kein laba, kayua ada bhian njauk ruak, yaom kaom oh karo tani tanat saong yaom pandap mbang tagok glong. Suh sah haong bruk raong ada  di sang drei, sa-ai Thứ duah thau, raong dom janih ada karei di gauk piah duah tabiak pajaih ada siam, jien buh tame takik, lagaih haong darak pasar.

Jalan nao tal bruk raong ada ia lac meng thun 2013, tuk sa-ai hu urang da-a nao mbang di sa nhà hàng daok di Ban raya HCM. Harei nan, nhà hàng hu ada ia am sara amriak. Thei mbang jeng meyaom kayua ralow nyu pahe, bingi. Hadei di harei mbang huak nan, sa-ai nao duah blei ada ia mai raong iek min oh jeng. Yaom lac oh jeng, min sa-ai Thứ oh kadun likuk bo daok kham merat nao tal dom tỉnh miền Tây, blaoh nao tal gah Barak negar piah duah blei dom pajaih ada ia siam, lagaih haong taneh riya, langik tasik bhum palei drei. Hu manuac khan lac di Ha Noi hu pajaih ada ia, sa-ai tabiak tal nan blei 15 drei abih 10 trieu dong piah  raong iek. Hadei di 6 bilan, ada nyu mebaoh. Mbang mebaoh camereip anek caih biak takik, anek sit. Sa-ai nao duah taom kỹ sư, urang ilamu piah hu tacei pato  ilamu raong ada ia habar ka nyu praong siam, caik mebaoh rilo, anek praong siam. Meng hu bruk tacei pato nan, gam haong baoh sang hu ilamu raong ada rilo thun, tal urak ini, baoh caih anek hu tal 70%, anek caih tabiak dak harei dak siam.

Sa-ai Thứ khan lac: Meng 15 drei ada pajaih tuk camereip, dahlak ngak jeng yaok pluh ribau ada pajaih pablei ka  mikva dalam saong langiu tỉnh. Urak ini, baoh sang dahlak hu labaih 700 drei ada pajaih tano, binai saong labaih 2.000 ada ralow. Kuhria rah tabiak, ada ralow pablei hu 100.000 đồng sa drei praong meng 1 -1,2 kg; ada pajaih 10.000 đồng sa drei, pablei rilo di Ban raya HCM. Hadei meng kaoh tabiak jien buh tame ngak, yaok thun, dahlak daok laba labaih hu yaok rituh trieu dong meng bruk raong ada ia.

Ada ia lac janih ada meteh hoang dã nan ye bruk raong oh kan saong abih takik prein iek glang. Ada pajaih meng tuk blei mai, raong labaih 60 harei lac meda pablei hu, pandap mbang ka ada rilo meng lac haleik, brah, njam hang;  brei klauk jru  caga ruak 2 mbang. Mboh bruk ngak nan ba mai kein laba glong, sa-ai Thứ daok pabei anek ada pajaih, pato raong glang saong blei veik abih ada raong di dom sang kan kandah  piah daong  gauk yam tagok ngak kaya meda, tani tanat raidiuk.

Ong Nguyễn Văn Trầm, Akok Kapol urang ngak nong huyện Cần Giuộc brei thau: Huyen hu ba mbuan lagaih ka xã Tân Tập padang kapol pambuak bruk raong ada ia hu 15 urang, yaok urang hu daong brei mesre meng 30 - 50 trieu đồng meng Kadung jien daong ka urang ngak nong. Meda lac, bruk raong ada ia di sa-ai Thứ hu daong ka sang patagok jien mek tame, pasiam raidiuk bo daok peih tabiak jalan ngak mbang birau ka bhap bini palei drei./.

 Urang lang: Ai Nghiem - 31/8/2022