Urang nong rong tapai duah hu jien glong 

Meng hatai caong khin salih janih phun pala, athur raong njauk jalan pambuak haong patagok pren khang gah taneh riya jeng yau   pandap panda kaya mbang hu di puk palei, thun 2020, ong Nguyễn Ngọc Minh ba tangin tame ngak iek bruk raong tapai haong 10 drei tapai pajaih. Ngan haong rilo urang nong daok di Mộc Hóa, tapai lac janih raong biak bahrau. Kayua yau nan ye, ong caik tabiak rilo tukvak piah duah thau ka ilamu raong, iek glang tapai tapa Internet saong bac megru ilamu meng dom bruk raong tapai hu kein laba karei karei. Hadei di tukvak ngak iek, mboh bruk raong tapai biak mbuan, tapai menek rilo, takik jit ruak, darak pasa pablei tabiak tani tanat nan ye ong Minh khang hatai peih praong bruk ngak ini. Urak ini van ro di ong hu labaih  1.000 drei tapai.

Tui ong Minh, raong tapai ba mai kein laba glaong, min prong di abih lac brei kham merat roh duah, bac megru ilamu meng dom urang nao dahlau saong tuk halei jeng kham merat, oh klaak meteh dhi tuk gaok kan kandah nan ka meng jak jeng hu. Tapai lac janih raong “nhạy cảm” haong môi trường gah langiu nan ye van ro hu ong Minh padang ngak biak laneng lahơi, bhian puh ramik ka nyu hacih sa-at, abih di nyu lac jalan aia menyum tự động, tuk halei jeng pabak ginup aia ka tapai. Tapai bhian njauk dom janih ruak laka, cầu trùng, bimao, bại liệt,... Kayua yau nan ye, tuk raong njauk mong iek ka nyu tani tanat. Pandap mbang brei ka tapai hu biak rilo, mbuan duah, mbuan pala saong hu luac thun, meng dom janih hareik, hala kayau, baoh kraoh,... tal dom janih pandap mbang hu ngak jeng asar brei ka tapai.

Ong Minh khan lac: Tapai amaik caih menek sa mbang meng 6 - 8 drei. Tapai anek praong hu sa bilan meda brei daok karei piah raong pablei. Hadei di 3 bilan raong, tapai trak meng 2 - 2,5 kg lac meda pablei hu. Kuhria rah tapa yaok bilan, van ro di ong Minh pablei tabiak meng 100 - 200 drei tapai ngan haong yaom meng 70.000 - 75.000 đồng/kg. Kaoh abih phun jien buh tame, ong Minh hu jien mek tame tani tanat jaik 20 triệu đồng sa bilan.

Mboh lac, bruk raong tapai di ong Minh ba mai rilo siam mekre tuk akaok mereip, peih tabiak jalan nao bahrau ka urang nong, daong paglaong jien mek tame. Ini lac jalan ngak khép kín pambuak bruk pala phun mbang baoh, laghaih haong dom hagait daok hu mboh di anek meta, labik pablei tabiak tani tanat saong ba brei bruk ngak ka 5 - 7 urang ngak di puk palei. Oh padauk ilamu ba tal jak jeng ka ta-eng drei, ong Minh halan hatian klah rabha ilamu ka urang halei hu hatai caong khin kak kajap haong bruk raong tapai./.

Urang lang: Jasi -29/6