Dom harei pandiak bhang, thu lagu, mikva njauk salih pandap mbang saong maong brei mbang ka athur. Pandap mbang tapung, pandap mbang hỗn hợp; salih tapa brei mbang di tuk dah page atau bier harei, brei mbang rilo pandap mbang hijao yau ye hareik that, baoh kraoh saong dom janih vitamin... Mikva brei parilo pandap mbang hu đạm, takik veik tapung dalam var mbang ngan haong yaok janih athur.

Khik ginup ia brei kubau, limo, pabe manyum, oh ngak pathah var ro saong khik mbiah ginup ia manyum ka tapon athur plaih palai pajoa.

Hadei di dom mbang pandiak bhang dui atah, kubau limo bhian glaih glar, mikva saok njam rau má, hala diếp cá brei athur manyum meda ngak brei trun  pandiak samar. Dom pandap mbang hijao oh daok, drei meda pandar phun patei javar asar, chai kalik phun ratak lo ngak pandap mbang brei kubau, limo.

Dom harei langik pandiak, mesup palao athur tabiak aval, ba tame var aval; bier harei palao taiy, teok tame var taiy, abih di nyu nan lac caik hatai sangka tal athur daok sit. Mayah lagaih, njauk ba tapon athur nao tal labik hu ia. Tuk halei jeng pabak pandap mbang, ia manyum di var raong.

Tuk daok pajeng ba atau kayua raong kareik rilo, njauk brei ka kubau, limo padeih padai di labik halui, brei daok karei yaok drei piah trun dom khí độc tabiak meng dom drei athur tuk raong kreik haong gauk. Daok dom drei kubau, limo daok ngak dom bruk yau li-ua, dui katung ye brei ka athur nyu padeih padei chip, duah labik halui, lahei, joa gindang.

Pandar kadik mac, bluh meng gah anak ka athur, prein bluh mbaih piah daong ka athur patrun pandiak sit sit, plaih ngak ka athur nyu sốc, having.

Pandar khan la-an uak ka athur, dahlau di abih lac uak di akaok, di mbaok, blaoh trun tal rup, labaih 1 tal 2 maong hadei meng manei ka kubau, limo. Njauk caik hatai lac oh mek ia laar thaik tapak tame akaok, tame mbaok di athur atau tuk athur ka oh hu tukvak piah tani tanat veik rup pabhap, ye jhui mek ia laar thaik, manei ka athur.

Ngan haong kubau, limo njauk sru laar, mboh pandiak dalam var raong, njauk ngak lanieng lanoi var raong, trun patakik athur dalam var raong.

Njauk caik hatai lac hadei di tuk njauk sru laar, pandiak, prein yava di kubau, limo nyu trun, kayua yau nan ye njauk sangka iek glang siam, pabak vitamin saong jru pabak prein yava, daong prein piah kubau, limo samar siam veik saong plaih tamuh jit ruak./.