Raong anek dúi ngak kaya meda
Ong Nguyễn Văn Hiếu, umo 70 thun, daok jan van kaoh phun tabau, phun krem ngak pandap mbang ka yaok rituh drei dúi daok raong dalam van ro prong jaik 50m2, di quận Bình Thủy, TP. Cần Thơ. Ong daok hu van ro raong 4.000 drei dúi di huyện Củ Chi, TP.HCM. Meng nan, ong hu jien mek tame yaok rituh triệu đồng yaok bilan meng pablei anek dúi.
Ong Hiếu hu maong lac urang akaok meti raong anek dúi di miền Tây. Rilo thun dahlau, dalam sa mbang tabiak Hà Nội, ong hu urang randap brei mbang ralow dúi saong mboh pahe bingi. Hadei di nan ong duah tal van ro raong. Tapa ndom biai nao mai haong po trang trại, mboh bruk raong nan oh hagait kan min hu kein laba glaong, jien mek tame tani tanat, ong Hiếu blei 18 drei dúi ba mai TP. Cần Thơ raong.
Dúi diuk hu dalam 6 thun. Yaok thun caih menek 3 tal 4 mbang; yaok mbang hu meng 3 tal 6 drei. Meng tuk khin tano tal 60 harei hadei ye dúi amaik caih menek. Dúi anek raong dalam 10 bilan teik trak hu meng 1,5 kg tagok nan lac meda pablei hu. Yaom pablei dúi pajaih meng 700.000 - 1 triệu đồng sa drei. Ralow dúi pahe bingi, rilo chất đạm nan ye hu urang duah blei haong yaom meng 800.000 - 1 triệu đồng sa kg. Van raong dúi di ong Hiếu glaong 6 tấc, sa var ro prong meng meteh m2 tal 1 m2. Yaok van ro, raong hu meng 5-7 drei. Dúi lac janih mbuan raong, pandap mbang di dúi lac krem la-a, taneiy, tabau. Yaok harei ong Hiếu tok brei ka dúi mbang sa mbang, nan ye takik prein iek glang saong abih takik phun jien.
Sa-ai Phan Minh Hùng (quận Ninh Kiều, TP. Cần Thơ) brei thau: “Dahlak saneng dúi lac janih mbuan raong, yaom palei glaong. Nan ye dahlak hu nao tal van ro raong dúi di cei Hiếu piah bac megru ilamu saong hadei di nan blei 3 drei dúi tano haong 7 drei binai mai ngak pajaih”.
Tui ong Phạm Văn Thịnh – akaok Kapul urang nong phường Long Hòa, quận Bình Thủy, TP.Cần Thơ: bruk raong dúi di sang ong Nguyễn Văn Hiếu hu ba mai kein laba glaong. Kapul urang nong TP.Cần Thơ jeng hu daong meyaih khan bruk raong anek dúi di ong Hiếu angaok blah thong tin điện tử, nan ye hu rilo kapul nyaom meng dom tỉnh: Hậu Giang, Vĩnh Long, Đồng Tháp… mai rivang iek saong bac megru ilamu, blei anek pajaih. Tukvak anak tal, Kapul urang nong phường Long Hòa daok brei peih rilo tal bac gah ilamu raong dúi, piah pambak prong bruk ngak ini./.
Urang lang: Jasi – 10/08
Viết bình luận