Dahlau deih, sang ong Nguyễn Văn Cường ngak padai saong pala njam patam di angaok 3 kong taneh. Yaok thun, abih jien mek tame meng 20 - 30 triệu đồng, daong ka raidiuk di baoh sang ong kurang anak kan lakuk. Thun 2015, patuah ka ong Cường hu urang gauk gar yaih khan tal bruk pala phun yau. Oh saneng ralo, ong Cường duah blei phun pajaih mai pala iek. Hadei di sa thun pala, phun yau mek hu jien kein lagaih brei ka bruk ngak mbang dak thun dak tagok. Tal ini, phun yau tam ba mai ralo tani tanat ka baoh sang ong Cường.

Mboh phun yau hu kein laba daong ka sang drei truh kan kathaot, ong Cường khang hatai ngak pasiam 3 công taneh (jaik 4.000m2) taneh ngak padai saong pala njam patam brei salih tapa pala yau tằm. Tal urak, sang ong Cuong hu labaih 240 gok phun yau tằm daok tabiak baoh. Yau tằm hu brei baoh luac thun, min tapi bilan paik baoh bhian tame bilan pandiak, meng bilan 12 tal bilan 3 dalam thun.

Piah caga dahlau brei baoh yau ka darak pasar, ong Cường hu brei ka phun tabiak baoh salih gauk ngan haong 40 gok yaok mbang. Ong Cường brei thau lac: “Pala yau tằm biak mbuan sanang, oh trauk prein tame iek glang ralo dut tui dom janih pala phun karei. Miat mbang baoh, tal tuk mboh nyu jaik druh hala ieu lac jaik tal mbang paik baoh bahrau ye drei rami ramik dhar phun, drak khak di gok phun, pachreih bruk tabiak bingu brei mbaoh 3 mbang, blaoh cang mbang blaoh mbiah tal masa abih tabiak abaoh”.

Phun yau tằm brei pala meng chiết dhar atau giâm dhar. Hadei di 1 thun pala, phun yau tabiak baoh, min tapi piah phun yau hu baoh ralo karo suai njauk brei ka phun hu 1,5 - 2 thun. Hadei di nan phun mada brei baoh dak thun dak ralo jang. Yaom pablei baoh yau tằm meng 40.000 - 50.000 đồng/kg, glaong jang jaik 10 mbang yaom padai, kajap karo, takik halak halieng dut saong rilo baoh kayau karei karei. “Baoh that mayah pablei oh abih, atau dom bilan oh hu yaom meda brei ngak ia kot yau. Baoh yau tram haong saradang blaoh pandiak rak ngak jeng si rô pablei ka mikva piah dalam tu laar piah manyum haong ia khal. Kayua yau nan ye jeng oh huac hana lac yaom kaom pablei”.

Yaom lac hu taneh tapen taphia danao, ong Cường brei pala 100 phun kana Thái. Langiu di bruk pablei baoh that ngan haong yaom 15.000 đồng/kg, sang ong Cuong daok ngak jeng baoh cà na jan, lagaih dalam bruk khik piah saong mbuan pajeng ba, yau nan ye tuai damuai biak takre. Ong Cường brei thau lac: “meng di tuk kurang tuk kan tuk kathaot, urak ini, phun yau tằm saong kana Thái daong ka sang drei tabiak truh kan kathaot, jien mek tame labaih 150 triệu đồng dalam thun. Kayua yau nan ye, raidiuk jeng hu ralokaro tani tanat jang”./.