Urang rong ada duah hu rilo kein laba jang pala phun mbang boh
Ong Nguyễn Văn Vương brei thau, tui jalan ngak ni, bruk drak padai trun 60% pajaih duk song dahlau deih, dok 8 kg ka 1.000 m2, takik buh khak, nan ye tuk camereip mboh padai lavang lavah.. Min, tui ilamu di ong, drak kapan abih rilo khak, mbuan njom ruak kik halak halin, kayua hala layau rilo. Vil val mblang hamu ong pok ar pacang, kuac raok jalan tathuak ia prong piah ka ikan, ada hu labik dok. Tuk tam lipih, ong lagaih piah rong pabak ikan, ada, nyu mbuan nao mai di dom talei padai, nyu mbang halak halin, baoh bao... Langiu di nan,mblang hamu di ong pachreih hu rilo cim sâu, én yaok mesup. Tui iek, ong mboh ikan, ada caluai ngak megei phun padai, halak halin par tagok, cim mong mboh nan ye ba gauk mai duah mbang .Langiu di nan, padai takik hu ia kakua kandong veik tuk mesup, hu ia harei caroi tapak trun tal gha nan ye takik ruak. Ada, ikan bhian duah mbang di labik gha ngak ka gha phun laneing lahơi, mbuan njaom dinh dưỡng, oh njauk jru mek hữu cơ, vàng lùn, lùn bilik hala. Mek khak tabiak meng ikan, ada pabak dinh dưỡng ka taneh, po mblang hamu trun hu 50% khak. Padai tamuh siam, bingu rilo, khang asar dalam tuk jien buh tabiak takik.
Tui kuhria mboh di ong, phun jien ka sa vụ padai labaih sa triệu đồng yaok công (1.000 m2) dalam nan hu 8 kg pajaih, 25 kg khak, 300 ribau đồng jien ngak taneh, yauk padai. Năng suất di vụ Đông Xuân labaih 7 tấn sa ha, samu atau glong jang mblang hamu jiak tapen. Kaoh abih jien buh tame ngak, ong laba hu 2 triệu đồng sa bilan Đông Xuân, jiak sa triệu đồng di bilan Hè Thu, tagok 40% dut song dahlau deih.
Langiu di jien mek tame meng padai, yaok 6 bilan ong pablei ikan, ada. Meng taneh prong 10 ha, ong palao 1.500 drei adaa, hadei di 2 bilan meteh rong laba hu 20 triệu đồng. Ada tuk sit mbang halak halin, tuk prong mbang padai laik di mangaok hamu hadei di tuk yuak, nan ye abih hasit pandap mbang asar. Ada raong palao yaom glong jang ada công nghiệp.
Bruk rong ikan,ong Vương raong ikan padoc, ikan sặc rằng, ikan kan kayua yaom pablei glong, tani tanat. Pambak tame 3 bilan ia ndik, ong palao pandap mbang pachreih ikan di gah langiu tame hamu piah rong. Ia ndik dak praong ikan tame dak rilo, pandap mbang mangaok hamu biak rilo nan ye ikan samar prong. Abih tih jien mek tame meng ikan hu meng 150-200 triệu đồng, laba labaih 80% kayua pandap mbang rilo meng lac pandap meng thiên nhiên. Jien laba meng padai, ikan, ada glong jang 3-4 mbang dut song pala sa janih padai.
2 thun dahlau, ong hu palih ruah hu mbaok tame danak dak patagok jalan ngak mbang duah jien khang kajap ka urang ong, kayua gilang pariak dunya dong. Meng ilamu rong ada palao langiu mblang hamu, ong ba tabiak bruk ngak 2 vụ padai pambuak haong rong ikan , ada, ong pah gac 7 ha taneh jiak tapen piah peih prong bruk ngak mbang. Tuk danak dak tamat bloh, oh hu dong anek pajaih, min ong Vương khang hatai khik bruk ngak. ong Lưu Văn Tiến, Phaok Jabat ngak nong song patagok palei pala huyện Tam Nông brei thau, bruk ngak 2 vụ padai sa vụ ikan, ada hu tong yaom glong kayua kein laba, khang kajap dalam tuk miền Tây oh dok ia ndik yau dahlau deih./.
Urang lang: Hanipha- 22/6
Viết bình luận