
Sa-ai Nguyễn Ngọc Tân daok di ban sit Long Hồ, huyen Long Hồ hu raong lanung oh meng gluh gam song pala njam dalam ia tui danak dak kayua tinh Vinh Long padang dalam danak dak “Pandar jalan ky thuat ilamo ngak kong aquaponic dalam raong lanung gam song pala njam dalam ia di dalam ban Vinh Long”.
Taong abih di danak dak ngak iek piah paglaong bruk pandar ilamo ngak kong aquaponic dalam bruk raong lanung oh meng gluh gam saong pala njam dalam ia, taong yaom bruk mek hu saong siam lagaih dalam ngak mbang di yaok bruk, salah blaoh bruk ky thuat ilamo ngak kong aquaponic dalam bruk raong lanung gam haong pala njam dalam ia hu yaom kaom kinh te. Hadei tukvak raong lanung, bruk ini hu ba mai siam lagaih, jien mek tame rilo mbiah ka dom baoh sang raong nyu.
Sa-ai Nguyễn Ngọc Tân brei thau: “Dahlau ini dahlak hulin raong lanung tui jalan meng kal, brei salih ia yaok harei, gam lahik prein gam lahik jien, lanung khat lahik rilo. Hadei di tuk raong lanung oh cang gluh tui jalan gam pala njam dalam ia, hu takik lahik tukvak, rilo anek lanung diuk labaih 95%, jien pandar ia takik trun labaih mateh 50%. Akaok meti dahlak hulin raong 5.000 drei anek lanung, hadei 10-12 bilan raong ye ba tabiak pablei, langiu di jien buh tabiak ye jien laba mek hu rilo mbiah, daok njam pala dalam ia rilo meng duh hatai caong ka baoh sang. Dahlak hulin daok patui veik khik tani tanat bruk ini saong parilo drei lanung tagok 5.500 drei saong pamaong tal pala njam dalam ia piah pablei tabiak darak pasar”
Tui sa-ai Tân, bruk ini ngak tui bruk tathuak ia nerak meng raong lanung hu anek ruak salih jeng nitrate saong ba tame kavei pala njam. Tuk ini, kavei pala njam hu ngak yau majam halang sinh hoc, njam mbang janih nitrate saong daong labik ia hu hacih sa-at gilac piah raong lanung.
Tui PGS.TS Hứa Thái Nhân (Sang bac Thuy san – ĐH Can Tho), bruk raong lanung pagam haong pala njam dalam ia tui jalan aquaponic ngak di tinh Vinh Long hu jeng siam ka bruk pacang khik alam moi truong, takik pandar urang ngak bruk piah salih ia raong lanung yaok harei.
Langiu di, danak dak nan hu taong yaom glaong mbiah ka alam langik tasik moi truong, duah bruk patakik jien buh tame meng akaok meti, pabak vi sinh tame tapak janih karei di nyu atau tame pandap mbang daong ka lanung saong njam hu siam lagaih jang.
Tapa tuk ngak, tal ini bruk hu ngak jeng kapul pambuak raong lanung gam pala njam dalam ia di puk An Phú A (xa Long An, huyen Long Hồ) saong hu mbaoh tangin brei angan VietGAP ngan saong kavei ia raong lac 228m2, taong abih kuhria mboh labaih 12 tan/thun.
Tui ong Nguyễn Hữu Dùng-Akaok Jabat Roh duah pandar, So Khoa hoc kong nghe tinh Vinh Long ye danak dak lac jalan ngak ka harei hadei ka gah raong lanung, abih di nyu lac bruk ngak nong dalam ban, labik dalam ban praong, ban sit, labik dak rahra oh hu brei raong glang, ye danak dak raong lanung gam haong pala njam dalam ia hu pabak hatai caong ka bruk pacang khik labik ia dalam ban. Ini hu maong lac bruk raong kaya dalam ia siam mekre, karo kajap saong hu ngak haong daok pandar rilo dalam dunya ba mai rilo kein lagaih pandar ia lagaih, patakik ia tathuak, meda ngak tabiak sa mbang 2 ndap nda ngak nong./.
Viết bình luận