Kadha “urang ngak hamu caong thau” harei ini, kol dahlak hulin likau khan bruk ngak ini tapa kadha vak di Lê Hoàng Vũ hu ba tagok báo Ngak nong Viet Nam

Sang ong Phan Văn Kẻn­ lac 1 dalam 5 baoh sang hu bein raong lamo palimek praong dang dhi 1, dhi 2 dalam xã Đức Lập Hạ, huyện Đức Hòa. Raong lamo palimek brei kein laba glaong saong tukvak payeng phun jien samar, dalam 3 - 4 bilan lac pablei hu sa mbang. Urak ini, yaok mbang, sang ong raong 200 drei, kaoh abih phun jien buh tame raong, ong daok laba hu jaik 1 tỷ đồng.

Meng thun 2019, hu bruk daong brei mesraiy phun jien saong daong ilamu raong glang meng Sở Ngak nong saong Patagok palei pala Long An, ong Phan Văn Kẻn khang hatai salih jalan raong meng kan tapa raong lamo công nghệ glaong. Raong tui jalan bahrau ini, tapon lamo praong samar bo daok mbuan pablei kayua khik hu salamat pandap mbang, oh kandaong labaih jru kháng sinh.

Daok sang ong Phạm Thành Công, daok di xã Hòa Khánh Tây, huyện Đức Hòa jeng daok raong lamo palimek, haong tapon lamo jaik 200 drei. Tuk peih ngak bruk ini, ong hu ngak harak likau mesraiy 3 tỷ đồng di Agribank dhar Đức Hòa.

Ong Công brei thau: “Dom công taneh bein di sang dahlau daih pala kruac aik oh hu laba, urak ini caik piah pala hareik ngak pandap mbang yaok harei ka lamo. Langiu di nan, ong daok pah labaih 4ha taneh jaik nan piah pala hareik, piah hu ginup pandap mbang that ka tapon lamo mbang luac thun. Hadei di yaok mbang raong, ong Công mek tame hu 600 triệu đồng jien pablei lamo ralow”.

Rilo po trang trại praong raong lamo mboh lac, raong lamo ralow oh kan, kayua lac jaik abih mikva jeng hu gah ngak nong palei pato pasram ilamu raong dahlau di tuk peih bruk raong. Min hu sa bruk daok ngak ka mikva duh hatai lac phun jien buh tame tuk camereip biak praong. Kuhria rah tapa, yaok drei lamo pajaih yaom dua klau pluh triệu đồng. Langiu di nan, brei hu phun jien piah ngak var ro, blei jamriak sai pandap mbang ka lamo.

Tui ong Võ Thanh Quang, Chủ tịch HĐQT, Yam ndok HTX Raong lamo ralow xã Hòa Khánh Đông, huyện Đức Hòa, urang raong lamo ralow brei mbang ginup saong brei klauk jru pacang jit ruak njauk tukvak, daong ka lamo khang kadang saong praong samar, ba mai kein laba glaong. Nan ye bruk raong lamo palimek di xã Hòa Khánh Đông daok jeng bruk raong praong di rilo menuac dalam palei. Urak ini HTX hu jaik 65 urang raong jaik 220 drei lamo. Gam haong nan, HTX daok jhul khang bruk pathau khan, jak ba urang raong lamo tui jalan siam mekre, salamat, hacih sa-at var ro, pacang caga jit ruak, pambuak haong labik blei piah khik kajap bruk pablei tabiak, gam plaih hu bruk urang blei kateik yaom.

Amuk Đinh Thị Phương Khanh, Phaok Yam ndok Sở Ngak nong saong Patagok palei pala Long An brei thau:  kein laba di bruk raong lamo hu daong biak praong dalam cakrok KTXH di palei, daong patrun baoh sang kan kathaot, patagok baoh sang kaya meda.

Urak ini, huyện Đức Hòa, Đức Huệ daok buh jien padang ngak labik raong lamo ralow pandar công nghệ glaong pambuak haong rami ramik veik gah ngak nong.

Hadei di labaih 7 thun peih ngak, bruk raong nan hu daong ba mai dom salih bahrau mboh di anak meta dalam bruk raong lamo, paglaong chất lượng drei pajaih, pasiam raidiuk bhap bini. Tỉnh saong dom gah pambuak tal daok pathau khan, tacei pato urang raong jalan padang ngak var ro, pandap raong, jalan pilih ruah pajaih, pandap mbang, ia menyum, vệ sinh thú y, jalan langyah nerak tachauk, vak harak siphau, khik piah harak gar.../.