Thun 2012, bac tamat gah Địa lý Môi trường, sang bac Đại học Khoa học xã hội song Nhân văn ban raya Hồ Chí Minh, oh duah hu bruk ngak njauk tui gah hu bac bloh, saai Nguyễn Gia Thái likau tame ngak công nhân di Công ty TAEKWANG VINA, Khu Công nghiệp Biên Hòa 2, tỉnh Đồng Nai.

Labaih 4 thun ngak bruk di gah hỗ trợ xưởng, pambuak tal bruk siam mekre ka pren yava song môi trường, di Công ty TaeKwang VINA, meng hatai takre bruk, kham merat bac megru song chreih chrai song bruk ngak, saai Thái sangka bac megru duah thau ilamu di dom urang nao dahlau song sahaneng tabiak dom jalan ngak gheih. Meng hatai khin ka labik ngak bruk di xưởng dak harei dak siam jang, saai pok panuac likau công ty brei caik candiak  tôn hadah di dom labik công nhân dok ala ngak bruk, salih dom danieng sre meng daneing lưới piah hu ngin lahơi, pambuak song dom phòng ban dalam công ty piah duah jalan pandar veik pallet kayau song pallet ba-ar ngak jeng vòng tuần hoàn piah patrun thải song patak patom hu  jien ndua ka công ty. Taphia di nan, saai pok panuac likau salih dom van, vòi klak meng dom van, vòi patak patom ia kayua saai ngak tabiak. Saai Nguyễn Gia Thái brei thau:

Dom van ni urak ni di VN oh hu bo blei meng Đài Loan. Dalam tuk adei duah di angaok mạng, ye adei mboh nyu siam lagaih song hadei di tuk ngak iek ye mboh nyu biak siam song patrun hu jien ndua biak rilo dut song van đồng  dahlau deih. Meyah  dahlau deih jien ia yaok bilan labaih 300 triệu đồng ye hadei di tuk ba tame pandar hệ thống van bahrau ni , patrun hu 100 triệu đồng sa bilan

Ndom tal bruk rik daong di saai Thái, ong Đinh Sỹ Phúc, Chủ tịch Công đoàn công ty TAEKWANG VINA brei thau:

Ngan song dom bruk ngak di saai khol hulin tong yaom biak glong, oh lac gah jien padai, bo dom bruk ngak ni hu dong pasiam labik ngak bruk di urang ngak, dong ka urang ngak hu ngak bruk di labik siam mekre jang, patrun patakik kan kandah ka urang ngak. Khol hulin khin pambak prong dom bruk ngak ni, bhim pathau khan jak ba urang jakar, urang ngak  bac megru tui saai Thái piah ka khol drei dak harei dak hu rilo  Nguyễn Gia Thái jang dalam công ty jang yau langiu XH.

Oh lac sami samar hadah krah dalam brku nga, saai Nguyễn Gia Thái bhian nao dahlau dalam dom bruk kayua Công đoàn di công ty peih ngak yau: boh sang công đoàn,, Hatai ameh, kein laba ka bhap bini song rilo danak dak pahla karei karei. Taphia di nan, dalam bruk ngak di Bí thư Đoàn Thanh niên, saai bhian pachreih ba dom urang đoàn, dam dara hu mbaok tame kapul nyaom , công đoàn di công ty, ngak siam dom quy định di karja jang yau di công ty. Jak ba dom urang đoàn hu mbaok tame dom bruk ngak kein laba ka bhap bini yau pasiam veik boh sang anit ranam, brei pandap ka boh sang dalam sarak karja, boh sang kan kandah . Taphia di nan, saai bhian halan hatain klah rabha ilamu song đồng nghiệp piah ba dom ilamu kỹ thuật tame  pandar.

Meng dom kham merat nan, saai Thái hu pok meyaom lac “ urang ngak naih gheih” thun 2014. Di var taom gaok ndom biai nao mai haong Thủ tướng Nguyễn Xuân Phúc song urang ngak tỉnh ĐN meng bloh, saai Thái khan lac, tuk vak tapa gah công ty jang yau công đoàn hu dom sarak ba mai kein lagaih ka urang ngak, abih di nyu nan lac urang ngak naih gheih. Ni oh lac bruk khik takai urang ngak bo dok pachreih ba ka urang patagok ilamu hadah krah, buh rilo pren yava jang ka bruk patagok di DN. Min, bruk bo saai caik hatai sangak di abih urak ni lac bruk an sinh XH di urang ngak. Kayua rai duik di rilo urang ngak dok gaok rilo kan kandah. Saai Thái daok brei thau lac:

Brei hu bruk dong ba jang meng gah Liên đoàn Lao động tỉnh, meng dom pakat karja glnog jang, ngak yau habar pasiam hu rai duik di urang ngak dak harei dak siam jang. Abih di nyu nan lac sang dok, sang trọ.

Lac sa urang ngak tari tarieng, abih hatai jai ka bruk ngak,  saai hu kapul nyaom, urang dang akaok công ty song đồng nghiệp jia hatai, anit ranam. Dom sáng kiến, dom bruk ngak di saai Nguyễn Gia Thái oh lac dong ka DN patagok năng suất, chất lượng pandap bo dok pachreih ba urang ngak kham merat ngak bruk, hu rilo sáng kiến rik dong tame bruk patagok di doanh nghiệp./.