-Urak ini, rilo menuac njaom HIV ngak mbang kinh te daok kan kandah, bruk ngak oh tani tanat, meyah gaok cakak bruk daong brei saoh saong njauk pacap blei BHYT ye mbuan si hu rilo menuac klak jru, ba tal bruk kháng jru, saong tui nan bruk iek ruak lac biak kan kandah. Kayua piah iek ruak HIV, urang ruak njauk menyum jru ARV luac rai, jien iek ruak biak rilo. Saai Nguyễn Văn Xuân, daok di ban raya HCM, sa urang ruak njaom HIV daok kham merat iek ruak di Khoa tham vấn daong bhapbini, pasak Y tế Quận 11 ban raya HCM ndom lac: thẻ BHYT meda lac phao daong ka urang ruak HIV/AIDS: Hu bảo hiểm y tế lac siam jang. Hu Bảo hiểm lac patak pataom hu biak rilo jien. Abih di nyu nan lac jien jru. Urak ini  jien jru hu saoh min hadei ini hu BHYT ye hu bayan. Ka dua lac jien xét nghiệm, sa thun xét nghiệm dua mbang jeng abih labaih 1 triệu.

-Di Khoa tham vấn daong bhap bini, pasak Y tế Quận 11 urak ini daok iek ruak meng jru ARV ka labaih 2.700 urang njaom HIV/AIDS. Lingiu bruk tư vấn, iek ruak ka urang ruak, dom y, bác sĩ saong urang jakar di khoa daok pathau khan piah urang ruak thau hu yaom glaong di BHYT dalam bruk iek ruak. Min, urak ini bahrau hu 75% urang hu thẻ BHYT min 60% dom thẻ lac daok hạn pandar, daok veik jeng lac abih tukvak. Bác sĩ Kim Chi Na – Trưởng khoa Tham vấn daong bhapbini, pasak Y tế Quận 11 brei thau: Rilo urang ruak di khoa lac menuac di dom tỉnh, yau nan ye njauk tư vấn biak rilo ka urang ruak piah urang ruak sahanang hatai, thau lac dom angan, bruk ngak di urang ruak hu khik kandauk. Min daok dom bruk njauk ngak tui hukum BHYT ye lac njauk ngak tui.

  -Urak ini ban raya HCM hu labaih 31.000 urang ruak HIV/AIDS daok iek ruak di 31 cơ sở. Dom urang ruak hu hộ khẩu di ban raya HCM saong urang ruak hu tukvak tạm trú dalam 6 bilan meda hu brei saoh thẻ BHYT saong daong bayan jien jru pacang HIV. Tui dom gru pato đồng đẳng, kayua oh ka thau abih asal kadha yau nan ye urang njaom ruak gaok ảnh hưởng tâm lý gaok kỳ thị saong tự ám thị jeng daok biak dalam dalam bhapbini haong rup drei, yau nan ye huac oh khin pandar BHYT piah nao iek ruak. Saai Nguyễn Minh Hiếu – gru pato đồng đẳng di Quận 11, ban raya HCM brei thau: Njauk hu jalan ngak halei lagaih piah ka dom urang jeng hu blei  BHYT. Pagap yau di libik halei iek ruak meng jru ARV ye di nan hu pablei BHYT ka dom urang nan. Pagap yau dom urang nan blei blaoh dom urang nan iek ruak saong mek jru luôn. Blaoh dom libik bo ba tagok sang iek ruak jeng jhui vak dom asal kadha hagait.

-Ông Hoàng Đình Cảnh, Phó Cục trưởng Cục pacang caga HIV/AIDS brei thau: meda hu rilo jang sarak daong dahlau ka dom urang njaom HIV blei saong pandar thẻ BHYT: Ngan saong dom urang oh hu harak gar meda hu brei thẻ hu thaot saong dom urang nao ngak mbang atah, nao mai rilo ye hu cơ chế thông tuyến BHYT. Yau nan, dom urang nan hu thẻ BHYT di quận huyện ini meda nao dom quận huyện karei dalam taneh ia saong hu mbang tui chế độ bo oh njauk chuyển tuyến.

-meng harei 1 bilan 1 thun 2019 bruk pandar thẻ BHYT ka urang njaom pandar ARV meda hu peih ngak samu gauk di ban raya HCM jeng ye dalam taneh ia. Saong BHYT hu maong lac xương sống di danakdak iek ruak HIV/AIDS, yau nan ye dom gah chức năng njauk patui bruk pasiam chất lượng pabak brei dịch vụ iek ruak HIV/AIDS, salih jalan sahaneng di urang ruak ka BHYT, jeng ye dak padang labik siam mekre, chreih bui tapa bruk salih jalan ndom puac daok dang, ilamu tư vấn, truyền thông di urang jakar y tế saong urang ruak./.