Urang nong kham meratpala pablah phun karei karei 

Ong Lê Văn Trọn daok di palei  Đắc Thế, xã Hồ Đắc Kiện, huyện Châu Thành, tỉnh Sóc Trăng brei thau, bilan Đông Xuân ni, mbang camereip ong ngak padai ST24, janih pajaih padai pahe di tỉnh  Sóc  Trăng, padai pala njauk pablei hu yaom glong. Yaok ha ong mek hu labaih 7 tấn padai that. Meng yaom pablei  7.500 đồng/sa kg, ong laba hu labaih 5 triệu đồng yaok công:

Thun ni  năng suất jeng hu, bloh daok hu yaom tra, nan ye mik va bui sambai.Năng suất oh lah hagait pajaih deih, min yaom glong jang, nan ye laba glong jang. 

Gam bui sambai pala njauk, pablei hu yaom  hong pajaih padai pahe ST24 dok hu ong Nguyễn Hoàng Long dok di xã Hồ Đắc Kiện: 

Hulin jeng ngak padai  ST24, 1 công prong (samu  1.300m2) jeng  hu labaih  1,1 tấn, mik va di pak ni  jeng hu  oh ala  1 tấn. Bilan padai thun ni jayah abih.  Hulin pablei yaom  7.500 đồng/sa kg ye laba hu labaih  6 triệu đồng yaok  công.

Rilo urang nong ngak pajaih ST24 brei thau janih padai pahe ni tamuh hu dalam ia mbak, takik ruak KIK halak halin , phun jien takik, brei kein laba mbiah năng suất jeng hu, abih di nyu lac yaom urak ni biak glong.  Ong Nguyễn Văn Mỹ, Bí thư Đảng ủy, Chủ tịch Ủy ban bhap bini  xã Hồ Đắc Kiện, huyện Châu Thành, tỉnh Sóc Trăng brei thau, xã hu  3 ribau  ha padai hu urang nong tam drak, urak ni yuak hu labaih 30%. Tal tuk vak ni , bruk pablei jeng mbuan lagaih kayua yaom padai dom janih dang di tanut mbiah. Ndom ka bruk sami samar dalam pala drak piah pala njuak yau nan, ong Nguyễn Văn Mỹ brei thau : 

Jalan ngak camereip lac pala pajaih halei tamuh hu dalam pandiak, mbak,  hu năng suất saong pabak hu ka drak pasa. Ka dua lac drei kuhri kuhria tuk vak pala, ngak habar ka mik  trun  pajaih avar jang hasit dut song dom thun dahlau. Jalan ngak ka klau lac dlam tuk mik va patrun pajaih  ye karja xã bhian pambuak bruk song bilai khik iek Thủy nong  piah hu jalan peih - kreik cống ka nyu lagaih di abih  

Bilan padai  Đông Xuân thun ni, tỉnh Trà Vinh trun pajaih labaih  60 ribau  ha. tal Urak ni, urang nong yuak hu labaih  40% mblang padai; năng suất tui kuhria mek hu labaih  6 tấn/ha. Min, di dom puk palei dok di puac jalan ia taba, gaok kan kandah trak di pandiak bhang, njom mbak yau Cầu Ngang, Trà Cú, năng suất tok mek hu jiak 5 tấn yaok ha. Tui yaom blei padai yau urak ni , yaom lac oh hu laba rilo yau bilan  Đông Xuân thun bloh , min urang nong jeng dok hu laba oh ala  30%. Ong Trần Văn Tươi daok di  xã Kim Hòa, huyện Cầu Ngang urang bahrau yuak 8 công padai OM4900 brei thau

  “Pajaih padai ni langik oh lagaih , min, hu yaom  5.000-5.200đ/kg ye urang nong mboh jeng hu . Tui kuhria jeng  hu laba  30%”.

Urak ni di rilo tỉnh ban dalam bhum taneran krong  CL, pandiak bhang njom mbak dok ba mai rilo kan kandah. Piah khik siam ka bilan padai Hè Thu anak tal, mik va urang nong di dom tỉnh tapen tasik bhum taneran krong CL njauk ngak tui  tuk vak trun pajaih  kayua gah ngak nong batabiak ; tui iek catang bruk njom mbak  song jit ruak angaok padai  piah samar pacang cakak haong bruk langik tasik  ./.  

Urang lang: Hanipha -9/4