Danak dak thủy lợi Phan Rí – Phan Thiết nan lac danak dak praong ka dua di tỉnh Bình Thuận kayua mintri ngak nong saong cakrok palei pala ngak po. Ini lac cong trinh praong tuk ngak blaoh meda ba ia pruh ka labaih 15.700 ha bhum taneh thu lagu. Urak ini, langiu binek praong, daok hu ribong pakat 1, pakat 2 hu ngak blaoh blai. Tuk camereip ba ia pruh ka jaik 7.200 ha taneh pala drak di huyện Bắc Bình. Bruk ini ngak ka bhap bini pak ini khang hatai jang tuk kak kajap saong bruk ngak nong. Kadha vak di urang pambuak bruk Huỳnh Hiền brei thau ka bruk nan.

Mblang hamu di mikva xa vien HTX nong nghiep Binh Thuy, huyen Bac Binh, tinh Binh Thuan urak ini daok jaik tal tuk yuak. Yaom lac suai jang jaik sa bilan duk saong yaok thun kayua gaok bruk thi cong ribong Chà Vầu, min kayua thau rami ramik nan ye mikva samar trun pajaih pala drak. Meng tuk hu ribong pakat sa dak padang ngak khang kajap, bruk ba ia tal hamu di mikva hu dui katut. Caga hu ia pruh, urang nong khang hatai pala drak 3 vụ yaok thun. Ong Bui Tan Linh daok pak palei Binh Thuy – xa Phan Ri Thanh, huyen Bac Binh brei thau : “ pak ini ngak hamu mikva ngak biak mbuan lagaih. Ia tuk halei jeng hu. Dahlau deih njauk tabiak kraong biak atah, urak ini, peih tabiak ye ia nyu nduac tame”

Danak dak thủy lợi Phan Rí – Phan Thiết hu peih tabiak ngak meng bilan 6/2009 urak ini hu blaoh blai. Langiu binek praong daok hu ribong pakat 1, pakat 2 hu ngak blaoh blai. Tui harak cih phlang, danak dak mek ia tathuak di thủy điện Đại Ninh piah ba ia pruh ka jaik 15.700 ha taneh bhum taneran Phan Rí. Urak ini, cong trinh ini tuk camereip hu ba ia pruh ka 7.200 ha taneh pala drak bhum thu lagu di dom puk palei di huyện Bắc Bình. Dalam nan, njauk ndom tal dua mblang hamu ngak iek dahlau di Bình An saong Hải Ninh pala drak 3 vụ yaok thun, hu dua vụ padai saong 1 vụ njam. Ong Vo Đình Tính – phaok chu nhiem HTX nong nghiep Bình Thủy, huyện Bắc Bình ndom lac : “ Harei hadei ini, mikva pala drak hu kein laba jang. Kayua caga hu ia yau nan ye ngak hareik oh ngak gaok tal phun padai bo ngak hareik hu siam jang”

Tui pasak khik ramik danakdak saong tư vấn đầu tư padang ngak bruk ngak nong Bình Thuận, danak dak thủy lợi Phan Rí – Phan Thiết urak ini daok 8.500 ha taneh daok dalam danak dak njauk daok cang ia kayua kurang ribong pakat 3 saong kraong nội đồng. Tui kuhria, danak dak ini hu 206 ribaong pakat 3 saong ribaong dalam mblang hamu atah abih 197 km. Urak ini, dom puk palei daok ramik pasiam 19 kraong, atah 29 km, daok veik 187 kraong pakat 3 saong nội đồng atah 168 km njauk peih ngak. Tui kuhria, jien buh tame piah ngak kraong nội đồng nan abih 110 tỷ đồng. Dalam nan, jien tỉnh buh tame 80 tỷ đồng, jien ODA 5 tỷ đồng, daok veik hadom jak ba dalam bhap bini. Ông Vũ Chí Nam – phaok akaok pasak khik ramik danak dak saong tư vấn đầu tư dak padang bruk ngak nong Bình Thuận daok brei thau lac: “ bruk patui di nan lac karja saong bhapbini gam ngak. Karja meda buh tame sa binah dalam padang ngak. Bhap bini rik daong meng bruk oh mek jien đền bù kraong pakat ala”

Piah ba ia tame hamu pala drak, njauk hu kraong ribaong dalam mblang hamu. Piah ngak samar dom kraong ini , taphia bruk daong di karja, bruk rik daong di yaok sang hu taneh daok dalam danak dak lac bruk njauk ngak. Hu yau nan, meng oh palai pajoa halau ia ba mai meng gah angaok saong danakdak ia pruh Phan Rí – Phan Thiết meng hu kein laba.

Biên dịch Thúy Linh