Urang nong Hau Giang patruh kathaot meng bruk raong ba ba 

Di dom tỉnh bhum taneran kraong Cửu Long rilo urang tabiak truh kathaot, jien mek tame meng yaok ratuh triệu tal sa  tỷ đồng yaok thun meng raong mba mba. Bruk ini hu angan lac 1 phun 4 laba kayua jien buh tame takik, labik pablei tani tanat saong tagok gam. Kadha “ urang ngak hamu caong thau” harei ini hu kadha vak yaih khan ka saai Phan Văn Truyền daok di palei Láng Hầm B, xã Thạnh Xuân, huyện Châu Thành A, tỉnh Hậu Giang, tabiak truh kathaot mengbruk raong ba ba.

Thun 2011, saai Truyền hu kapul urang nong xã brei nao rivang iek bruk raong mba mba di Hợp tác xã (HTX) ba ba Thạnh Lợi. Yaom lac biak takre raong min saai oh hu jien. Mboh yau nan, dom urang dalam Hợp tác xã hu daong brei mesraiy 30 triệu đồng piah saai Truyền raong mba mba. Lac urang dahlau deih bhian ngak pah, dom harei dahlau bac bruk, diuk pasang saai Truyền pandar paok jien di HTX brei mesraiy piah blei taneh, caoh danao saong palao 500 drei ba ba pajaih. Hadei di 2 thun tapol ba ba praong  mek pablei hu laba 80 triệu đồng. Meng jien laba tuk akaok mereip, saai Truyền patagok số lượng ba ba jeng 1.000 drei. Piah plaih lahik, saai pandar tôn pacang vil tam dal saong caik bọng piah ba ia nduac tame tabiak tui thủy triều.

Tal urak ini, bruk raong ba ba hu saai raong tui jalan menek ngan saong số lượng 300 drei pajaih sa harei hu pablei yaom meng 2.000 - 3.000 đồng sa drei, kaoh abih jien buh tame daok laba hu 9 triệu đồng sa bilan. Meng nan, thun 2013 sang saai Truyền hu tabiak truh kathaot. Meng bruk raong ba ba bo saai hu jien blei taneh, blei radaih saong padang baoh sang abih labaih 250 triệu đồng. Akoak Hợp tác xã ba ba Thạnh Lợi, ông Đinh Công Thủ brei thau: “raong ba ba abih takik phun jien. Yaom jien ka 1.000  drei ba ba pajaih, kuac danao, pandap mbang… jaik 50 trieu dong. Thun 2014, hu  11 xã viên di Hợp tác xã palao raong  5.000 drei ba ba urak ini tagok labaih 60.000 drei, Meng bruk ngak ini hu rilo sang yam tagok tabiak truh kathaot./.

Thúy Linh