Urang Nong ngak pô bộ tem kheih ka Hoang Sa, Truong Sa

-Meng hatai takre duah pataom tem meng tuk daok sit, urak ini ông Trần Hữu Huệ hu rilo bộ tem quý yau: bộ tem gah bưu chính, bộ tem ramik pasiam hamu taneh, bộ tem ka Trường Sa, Hoàng Sa...

-Tui ông Trần Hữu Huệ, bộ tem ka Trường Sa, Hoàng Sa, lac bộ tem quý  saong hu rilo makna di abih, kayua nyu brei mboh ginup chủ quyền tasik pulao di Việt Nam saong hu Liên minh Bưu chính dunya công nhận. Dalam nan, mẫu tem "Đội Hoàng Sa abap XVII – XVIII", hu yaom 10 đồng in thaot baoh gilai buồm căng angin tasik saong urang lin "Đội Hoàng Sa" khang kadang,, tangin pan gai vah, taong cap kaya ikan dalam ia, tangin pan “tù và” ndom biai haong gauk angaok dom pulao. Daok mẫu tem "Hoàng Sa saong Trường Sa" yaom 100 đồng ngan saong kadha “Hoàng Sa saong Trường Sa dalam dom bản đồ mengkan" brei mboh thaot bản đồ taneh ia Việt Nam gam saong bhum tasik, pulao saong dua quần đảo Hoàng Sa, Trường Sa.

 -Gah hanuk rup tem in cận cảnh 2 quần đảo Hoàng Sa saong Trường Sa gam saong talei akhar “Đại Nam nhất thống toàn đồ” kayua Phan Huy Chú cih, chú thích di rai patao Minh Mạng thun 1838.  Bộ tem ini ndung bak sa thông điệp sajarah, brei thau dua quần đảo Hoàng Sa saong Trường Sa lac chủ quyền di Việt Nam. Urak ini, ông hu duah pataom labaih 200 baoh tem ka Hoàng sa saong Trường sa: "Lac sa urang mein tem, dahlak sahanneg lac drei pandar dom mẩu tem piah ndom tagok chủ quyền tasik, pulao taneh ia di drei. Payua dom mẩu tem nan nao grauk dom taneh ia di dunya piah taduan mek dom bì thư nan veik piah brei thau lac dom taneh ia hu công nhận  Hoàng Sa, Trường Sa lac di Việt Nam."

Piah hu bộ sưu tập tem ngan saong kadha” dunya công nhận Trường Sa - Hoàng Sa lac di Việt Nam” tapa baoh tem bưu chính, meng thun  2014 tal ini ông hu payua yaok ratuh bì thư hu tauk tem Hoàng Sa, Trường Sa tal yaok taneh ia di dunya piah mek dấu nhật ấn di dom taneh ia nan. Ông Huệ brei thau, piah hu sa bì thư hu tauk tem hu dấu chứng thực di dom taneh ia di dunya oh lac mbuan. Rio tuk payua thư nao 2 tal 3 bilan, hu tuk sa thun meng taduan hu javap calei. Min damen di abih lac thư payua nao oh hu payua mai veik, lihik nao tem quý bo ông buh pren yava duah pataom. Tal tukvak ini, ông Huệ  hu 76 bì thư tauk tem Hoàng Sa - Trường Sa hu chứng thực saong dấu nhật ấn di 60 taneh ia di dunya: "Piah ngak hu kadha ini, dahlak caong hu 78 baoh bì thư payua, tuk duah pataom, payua dahlak gaok dom kan kandah, hadei di rilo thun payua nao yau nan, dahlak payua hu 160 baoh thư nao dom taneh ia saong bhum lãnh thổ, min nyu mai veik ka drei tok hu 76 bì thư, daok kurang dua baoh tra lac dahlak ngak hu bộ sưu tập chuyên đề Hoàng Sa- Trường Sa hu dunya công nhận"

Mein tem lac sa bruk takre mbang tame dalam ralo darah di ông labaih 50 thun tapa. Yaom lac yaok harei glaih glan, jar var haong bruk hamu puh, min ông Huệ jeng oh klaak bruk takre di drei. Ông caik tukvak piah ramik pasiam yaok baoh tem. Brei thau ka dom harei bilan gam saong pasang duah pataom tem, amuk Vương Thị Mùi En, diuk ông Huệ, lac: "Dahlau diah ông duah pataom tem meng tuk daok nao bac, min tuk dua urang jeng diuk jeng pasang tuk nan kan kandah rilo, min ông jeng takre tem. Yaok tuk yuak padai, ông pablei hasit nao blei tem, dahlak jeng thau ông nan takre min jeng ngak bruk sang saong raong anek mbang bac jeng menuac jeng urang, yau nan ye dahlak jeng daong ông nan, kayua nan lac bruk takre di yaok urang bo duah pataom tem lac paglaong kiến thức, mein bo oh kanyak jhak.

-Urak ini ông Huệ daok kham merat ngak ka nyu blaoh bộ sưu tập chuyên đề “dunya công nhận Hoàng Sa -Trường Sa lac di Việt Nam tapa baoh tem bưu chính” piah peih parang iek. Meng hatai takre saong anit ranam dom baoh tem, ông caong khin yaih khan ka yaok menuac urang mboh hu dom yaom glaong ka sajarah taneh ia, rik daong pathau khan saong brei thau quần đảo Hoàng Sa saong Trường Sa lac di Việt Nam./.